Халқаро валюта жамғармасининг Ўзбекистон бўйича миссияси раҳбари Рон ван Роден бошчилигидаги делегация Марказий банкка ташриф буюриб, банк раҳбарияти билан учрашув ўтказди.

Мулоқот давомида томонлар мамлакатдаги мавжуд макроиқтисодий вазият, банк-молия тизимини ривожлантириш бўйича кўрилаетган чоралар ҳамда Марказий банк томонидан олиб борилаётган пул-кредит сиёсатини атрофлича муҳокама қилдилар.

Шунингдек, учрашувда Марказий банкнинг келгуси йил учун макроиқтисодий прогнозлари ҳамда глобал миқёсда юзага келиши мумкин бўлган рисклар кўриб чиқилди.

ХВЖ миссияси раҳбари Марказий банк раҳбарияти билан бўлган мулоқотни конструктив ва самарали деб баҳолади. Унинг сўзларига кўра, пандемияга қарамасдан, Ўзбекистон макроиқтисодий барқарорликни таъминлашда сезиларли натижага эришди.