Льготный образовательный кредит

Фоиз ставкалари

Фоиз ставкаси:
1. Марказий банкнинг амалдаги асосий ставкаси миқдорида. Агарда, Марказий банкнинг асосий ставкаси пасайтирилган тақдирда, таьлим кредити бўйича фоиз ставкаси мутаносиб равишда пасаяди, Марказий банкнинг асосий ставкаси оширилган тақдирда эса таьлим кредити бўйича фоиз ставкаси ўзгаришсиз қолади.

2. Йиллик 14% - тўлов-контракт асосида ўқувчи аёллар учун. Кредит бўйича ҳисобланган фоизлар Молия вазирлиги ҳузуридаги Таълим кредитларини молиялаштириш жамғармаси маблағлари ҳисобидан тўланади.

Ҳужжатлар

Кредит олувчининг паспорти.
Талаба ва олий таълим ташкилоти ўртасидаги тўлов-контракт асосида ўқиш ҳақида расмийлаштирилган шартнома (контракт) ва унга илова қилинадиган ҳисоб варақаси/фактураси.
“Ижтимоий ҳимоя ягона реестри”га киритилганлигини тасдиқловчи маълумотнома (“Ижтимоий ҳимоя ягона реестри”га киритилган оила фарзандлари учун).
Кредит қайтарилиши таъминотига доир ҳужжатлар. “Ижтимоий ҳимоя ягона реестри”га киритилган оилаларнинг фарзандларига имтиёзли таълим кредитлари ажратилишида таъминот талаб этилмайди.

Талаблар

Кредит таъминоти
Кредит суммасининг 125 фоизидан кам бўлмаган миқдорда қуйидаги та’минот турлари тақдим этилиши мумкин:

мол-мулк гарови;
учинчи шахс кафиллиги;
кредит қайтмаслик хатарини сугурта қилинганлиги бўйича сугурта полиси.

Қўшимча шартлар

2024/2025 ўқув йилидан бошлаб Олий ва профессионал таълим ташкилотларида таҳсил олиш учун таълим кредити фақат кундузги таълим шаклида ўқиётган талаба ва ўқувчиларга Иқтисод ва молия вазирлигининг "Таълим кредити" ахборот тизими орқали банкка келиб тушган аризалар орқали ажратилади.

Кредит суммаси:

Биринчи курс талабалари учун тўлов-контрактда белгиланган сумма.

Олий таълим ташкилотларининг иккинчи ва ундан юқори курс талабалари учун фанларни ўзлаштиришнинг ўртача кўрсаткичи 3 баҳодан паст бўлса тўлов суммасининг 20% талаба томонидан тўлангандан сўнг кўпи билан 80% миқдорда ажратилади (Ижтимоий ҳимоя реестрига киритилган оила фарзандлари бундан мустасно).

Ўзбекистон Республикаси фуқароси бўлган талабаларга асосий қарзи талабанинг расмий ўқиш муддати тугагандан сўнг, 7-ойдан бошлаб 7 йил давомида қайтариш шарти билан берилади. Кредит учун фоизлар кредит ажратилганидан бошлаб ҳисобланади ва тўлаб борилади.

Чет эл фуқаролари ва фуқаролиги бўлмаган шахсларга таълим кредити ажратилмайди.

Кредит калькулятори

Кредит ташкилотларининг турли хил таклифларини кредит калькулятор ёрдамида таққослаб кўришингиз мумкин. Керакли майдонларни тўлдирсангиз, ҳар ойлик тўловлар бўйича тўлиқ ва қулай шаклдаги ахборотга эга бўласиз.

Кредитни ҳисоблаш

Имтиёзли таълим кредити