1) кредит ажратилиши юзасидан ариза;
2) қарз олувчи/биргаликда қарз олувчи паспортининг (ҳарбий гувоҳнома) нусхаси;
3) қарз олувчи/биргаликда қарз олувчининг молиявий аҳволини тасдиқловчи ҳужжатлар;
4) сотиб олинадиган квартира қийматининг 15 фоизидан кам бўлмаган миқдорда бошланғич бадал маблағларини шакллантирилганлигини тасдиқловчи хужжат;
5) Уй-жой қурган пудрат ташкилоти билан квартирани сотиб олиш тўғрисида тузилган шартнома;
6) Қарз олувчининг даромадлари тўғрисида маълумотнома(3-12 ой)

Ипотека кредитлари қуйидаги талабларга жавоб берадиган потенциал қарз олувчига берилади:

а) ипотека кредити олиш учун мурожаат қилган кунида 18 ёшга тўлган ва 50 ёшдан ошмаган фуқароларга;

б) Ўзбекистон Республикаси ҳудудида доимий рўйхатдан ўтган Ўзбекистон Республикаси фуқароларига;

в) доимий иш жойига, шахсий ёрдамчи ёки деҳқон хўжалигидан ёхуд якка тартибдаги тадбиркорлик фаолиятидан доимий даромадга, шунингдек ипотека кредити бўйича ҳисобланган фоизларни ва асосий қарзни тўлов жадвалига мувофиқ ҳар ойда тўлаш учун етарли бўлган, қонун ҳужжатларида тақиқланмаган ва ҳужжатлар билан тасдиқланган бошқа даромад манбаига эга бўлган шахсларга;

г)   қарз юки кўрсаткичи 70 фоиздан юқори бўлмаган шахсларга;

д) ипотека кредити олиш учун бошланғич бадал маблағларини шакллантириш имкониятига эга бўлган шахсларга (уй-жой қуриш, қайта қуришда бошланғич бадал сифатида мавжуд қурилиш материаллари, ишчи кучи ва бажарилган қурилиш-монтаж ишлари тақдим қилинган ҳоллар бундан мустасно);

е)   уй-жой қуриш, қайта қуришда уй-жойларнинг молиявий смета ҳисоб-китоби қиймати ёки бирламчи уй-жой бозоридан сотиб олинадиган квартира қиймати Ўзбекистон Республикаси Президентининг 2020 йил 1 майдаги “Аҳолининг уй-жой шароитини яхшилаш ҳамда ипотека кредити бозорини янада кенгайтиришга оид қўшимча чора-тадбирлар тўғрисида”ги ПҚ-4701-сонли қарорининг 3-бандида белгиланган ипотека кредитининг энг кўп миқдорлари бўйича аниқланадиган уй-жой ёки квартиранинг қийматидан ошиб кетган тақдирда, қийматнинг ошиб кетган қисмини шакллантириш (тўлаш) имкониятига эга бўлган шахсларга;

ж)ипотека кредитини ажратишни кўриб чиқиш вақтида кредит ташкилотларидан аввалги олинган кредитлар бўйича муддати ўтган қарздорлиги мавжуд бўлмаган шахсларга;

з)   уй-жой қуришда-ер участкасига мерос қилиб қолдириладиган умрбод эгалик қилиш ҳуқуқи билан, қайта қуришда-уй-жой ер участкаси билан бирга қарз олувчига мулк ҳуқуқи билан тегишли бўлган шахсларга.

14. Қарз олувчи (биргаликда қарз олувчилар)нинг ипотека кредитини қайтариш бўйича мажбуриятларининг таъминоти сифатида:

- уй-жой қуришда-ер участкасига мерос қилиб қолдириладиган умрбод эгалик қилиш ҳуқуқи;

- қайта қуришда-ер участкаси билан бирга барпо этилаётган уй-жой;

- бирламчи уй-жой бозоридан квартира сотиб олишда-ипотека кредити ҳисобига сотиб олинадиган ва белгиланган тартибда қарз олувчи мулкига ўтадиган квартира гаровга қўйилади.

Қарз олувчига тегишли эхтиёжидан ортиқ бўлган ликвид бошқа турар-жой объекти ҳам муқобил ёки қўшимча гаров сифатида қабул қилиниши мумкин.

Қорақалпоғистон Республикаси ва вилоятларда -327,250 млн.сўмдан ортиқ бўлмаган миқдорда - Тошкент шаҳрида - 416,50 млн.сўмдан ортиқ бўлмаган миқдорда; (Сотиб олинадиган квартиранинг қиймати ажратиладиган ипотека кредитининг енг кўп миқдоридан ошиб кетган тақдирда, қийматнинг қолган қисми қарз олувчи томонидан ўз маблағлари ва қонун ҳужжатларида тақиқланмаган бошқа манбалар ҳисобидан тўланади)