Кредит ва ҳисобланган фоизларни тўлаш кредит шартномасида белгиланган тартибда ва шартларда аннуитет ёки дифференсиал тўлов усулида амалга оширилади.
 
Қарз олувчи/Биргаликда қарз олувчининг алоҳида соф даромади БҲМнинг 6 баробаридан кам бўлмаслиги лозим.

Қарз олувчи ва Биргаликда қарз олувчининг жами ўртача соф даромадининг 70% кредит бўйича энг юқори ойлик тўлов ҳамда мавжуд кредитлар/қарзлар бўйича ўртача ойлик тўлов миқдорини қоплаш учун йетарли бўлиши лозим.

Яқин қариндошлар (ота-она,  туғишган ва ўгай ака-укалар,  опа-сингиллар,  эр-хотин,  фарзандлар,  шу жумладан фарзандликка олинганлар,  боболар,  бувилар,  неваралар,  эр-хотиннинг ота-онаси,  туғишган ёки ўгай ака-укалари,  опа-сингиллари) ўртасида автотранспорт воситалари олди-сотдиси учун автокредит ажратилишига йўл қўйилмайди.

Банк томонидан кредит бўйича таъминот сифатида қуйидагилар қабул қилинади:
Иккиламчи бозордан кредит ҳисобига сотиб олинадиган автотранспорт воситаси.
Ушбу сотиб олинадиган автотранспорт воситаси кредит миқдорининг – 125% қийматида гаровга қабул қилинади
Кредит олиш учун Банкка қуйидаги ҳужжатлар тақдим қилинади:
·         Чахсни тасдиқловчи ҳужжат (паспорт,  ИД-карта,  яшаш учун гувоҳнома ва ҳ. к. )
·         Автотранспорт воситасининг олди-сотди шартномаси
·         Кредит қайтарилишини таъминловчи ҳужжатлар
·          Мустақил баҳоловчи ташкилотнинг автотранспорт воситасини баҳолаш ҳисоботи.
·         Ўзини-ўзи банд қилганлик тўғрисидаги гувоҳнома.  (кредит ўзини-ўзи банд қилган шахсларга ажратилганда).

Қарз олувчининг ўртача ойлик даромадлари тўғрисидаги маълумотлар банк томонидан махсус тармоқлар орқали электрон шаклда мустақил равишда олинади.  Бунда даромадлар тўғрисидаги маълумотлар камида охирги 6 (олти) ой учун ҳисобланди.  Агар Қарз олувчининг ўртача ойлик даромадларини аниқлаш имконияти бўлмаган тақдирда,  ўртача ойлик даромадларини ва бошқа даромад манбаларини тасдиқловчи ҳужжатлар Қарз олувчидан талаб қилиниши мумкин. 

Банк Қарз олувчи/Биргаликда қарз олувчининг тўлов қобилиятини янада тўлиқ таҳлил этиш учун қўшимча ҳужжатларни талаб қилиш ҳуқуқини ўзида сақлаб қолади. 

 “Автокредит - Иккиламчи” – ишлаб чиқарилганига 5 йилдан ошмаган автотранспорт воситаларини иккиламчи бозордан харид қилиш учун (Електромобиллар бундан мустасно).