Bank qarz oluvchiga avtokredit bo’yicha oylik to’lov hisoblanish usulni tanlash imkoniyatini taqdim qiladi. Birinchisi – to’lovlar har oyda bir xil bo’ladi (annuitet), ikkinchisi esa – vaqt o’tishi bilan ular kamayib boradi (differensial usul).

Mijozning kreditni rasmiylashtirish bilan bog’liq xarajatlari kredit hisobiga xarid qilinayotgan avtotransportni sug’urtalash va garovni rasmiylashtirish bo’yicha chiqimlarnigina o’z ichiga oladi. Avtomobilni xarid qilish uchun kreditlar berilishi va kreditga xizmat ko’rsatilish bo`yicha hech qanday qo’shimcha to’lovlar mavjud emas.

Bank tomonidan kredit bo’yicha ta’minot sifatida quyidagilar qabul qilinadi:

• Kredit hisobiga xarid qilinayotgan avtotransport vositasini garovi (asosiy ta’minot);
• Sug'urta tashkilotining kredit va foizlar qaytmaslik havfini sug`urta qilish polisi (qo’shimcha ravishda).

Kredit olish uchun Bankka quyidagi hujjatlar taqdim qilinadi:

1.      Kredit olish uchun ariza.

2.      Shaxsini tasdiqlovchi hujjat (pasport, ID-karta, istiqomat uchun berilgan guvohnoma va h.k.)

3.      Avtotransport vositasining oldi-sotdi shartnomasi.

4.      Mustaqil baholovchi tashkilotning avtotransport vositasini baholash hisoboti.

AVTOKREDIT – “IKKILAMCHI” GM– Ikkilamchi bozordan “UzAuto Motors” AJ va “GM Uzbekistan” tomonidan ishlab chiqarilganiga 5 yildan oshmagan avtotransport vositalarini xarid qilish uchun iste’mol krediti.