Zarur hujjatlar

• Qarz oluvchi/garovga qo‘yuvchining shaxsini tasdiqlovchi hujjat (pasport/ID-karta/harbiy xizmatchining shaxsiy guvohnomasi);

• Qarz oluvchining o‘zini o‘zi band qilganlik maqomini tasdiqlovchi hujjat;

• Qarz oluvchining o‘rtacha oylik daromadini aniqlashda Bank qarz oluvchi tomonidan taqdim etilgan ma’lumotlardan, shuningdek, o‘z axborot tizimlari, kredit byurolari va qonunchilik bilan taqiqlanmagan boshqa rasmiy manbalardagi ma’lumotlardan foydalanadi;

• Garov predmetiga bo‘lgan mulk huquqini tasdiqlovchi hujjatlar, shu jumladan, mulk huquqi to‘g‘risidagi guvohnoma va zaruratga ko‘ra boshqa hujjatlar;

• Garovga taqdim etilayotgan mol-mulk qiymati to‘g‘risida mustaqil baholovchining hisoboti;

• Nikohda bo‘lgan garovga qo‘yuvchi uchun: garovga qo‘yuvchining nikoh to‘g‘risidagi guvohnomasi; garovga qo‘yuvchining turmush o‘rtog‘ining shaxsini tasdiqlovchi hujjati (pasport/ID-karta); mikrokredit bo‘yicha majburiyatlarning bajarilishini ta’minlash uchun garov predmetini taqdim etishga rozilik berilganligi to‘g‘risida turmush o‘rtog‘ining arizasi;

• Zarurat tug‘ilganda, Bank qarz oluvchidan qo‘shimcha hujjatlarni so‘rash huquqini o‘zida saqlab qoladi.

Garov ta’minoti miqdoriga qo‘yiladigan talablar

• Kredit summasining kamida 125% ini tashkil etishi lozim;

• Bank bilan aloqador shaxslar uchun kredit summasining kamida 130% ini tashkil etishi lozim.

Qarz oluvchiga qo‘yiladigan talablar

• Banklar va mikrokredit tashkilotlaridagi amaldagi kreditlar bo‘yicha joriy muddati o‘tgan qarzdorlik mavjud bo‘lmasligi;

• Ijobiy kredit tarixiga ega bo‘lishi, kredit tarixi mavjud bo‘lmasligiga ham yo‘l qo‘yiladi;

• O‘zbekiston Respublikasi Majburiy ijro byurosi ma’lumotlar bazasida qarzdorligi mavjud bo‘lmasligi;

• Bankning «qora ro‘yxati»da mavjud bo‘lmasligi.