Farovon uy

Фоиз ставкалари

Йиллик фоиз ставкаси:

22% — кредитлаш муддати қисқартирилганда;
23% — кредитлаш муддати узайтирилганда.

Расмий даромадга эга қарз олувчилар учун фоиз ставкаси 1 фоиз бандига камайтирилиши мумкин.

Ҳужжатлар

Қарз олувчи учун

паспорт ёки ID-карта. Ҳужжат Ягона интерактив давлат хизматлари портали (ЯИДХП) орқали рақамли шаклда тақдим этилиши мумкин. Ҳарбий хизматчи ҳарбий гувоҳномани тақдим этган тақдирда, қўшимча равишда паспорт ёки ID-карта нусхаси талаб этилади;
даромадлар тўғрисидаги маълумотлар, шу жумладан электрон шаклда. Мазкур маълумотлар Банкнинг ахборот тизимлари орқали ҳам олиниши мумкин;
уй-жойни қуриш ёки реконструкция қилиш учун тасдиқланган рухсатнома — зарур ҳолларда;
якка тартибдаги турар жойни қуриш учун ер участкасига бўлган ҳуқуқни тасдиқловчи ҳужжат — зарур ҳолларда;
гаровга қўйиладиган мол-мулк қиймати тўғрисида мустақил баҳолаш ташкилотининг ҳисоботи;
келишилган ва тасдиқланган лойиҳа-смета ҳужжатлари — зарур ҳолларда;
таъмирлаш учун кредит олинганда — тасдиқланган таъмирлаш ишлари режаси. Қарз олувчининг ўзи томонидан тузилган ва тасдиқланган режани тақдим этишга йўл қўйилади;
пудратчи жалб этилганда — қурилиш ишларини бажариш бўйича пудрат ташкилоти билан тузилган шартнома;
зарур ҳолларда қурилиш материалларини ишлаб чиқарувчилар ёки сотувчилар, шунингдек, ўзини ўзи банд қилган шахс сифатида рўйхатдан ўтган ходимлар билан тузилган шартномалар.

Биргаликда қарз олувчи учун

паспорт ёки ID-карта. Ҳужжат Ягона интерактив давлат хизматлари портали (ЯИДХП) орқали рақамли шаклда тақдим этилиши мумкин. Ҳарбий гувоҳнома тақдим этилган тақдирда, қўшимча равишда паспорт ёки ID-карта нусхаси талаб этилади;
даромадлар тўғрисидаги маълумотлар, шу жумладан электрон шаклда.

Зарур ҳолларда Банк қонунчиликда белгиланган тартибда қўшимча маълумотлар ва ҳужжатларни талаб қилиши мумкин.

Талаблар

қарз олувчи кредит олиш учун мурожаат қилинган санада 18 ёшдан 60 ёшгача бўлган Ўзбекистон Республикаси фуқароси бўлиши;

доимий иш жойига, тадбиркорлик фаолиятидан олинадиган барқарор даромадга ёки кредит бўйича асосий қарз ва фоизларни ўз вақтида тўлаш учун етарли бўлган бошқа қонуний, ҳужжатлар билан тасдиқланган даромад манбаларига эга бўлиши;

қарз юки кўрсаткичи — 50 фоиздан ошмаслиги;

кредитлар ва бошқа мажбуриятлар бўйича жорий муддати ўтган қарздорлик мавжуд бўлмаслиги;

охирги 12 ой давомида 90 кундан ортиқ ва охирги 6 ой давомида 60 кундан ортиқ муддати ўтган қарздорлик мавжуд бўлмаслиги;

3 нафаргача биргаликда қарз олувчини жалб қилишга рухсат этилади;

қурилиш ёки реконструкция қилиниши мўлжалланган турар жойга бўлган мулк ҳуқуқига, шунингдек зарур ҳуқуқни белгиловчи ва лойиҳа-смета ҳужжатларига эга бўлиши;

гаровга тақдим этилаётган мол-мулкка нисбатан хатлов, тақиқ ёки бошқа ҳуқуқий чекловлар мавжуд бўлмаслиги.

Қўшимча шартлар

Кредит мақсади:
Якка тартибдаги турар жойни қуриш ва реконструкция қилиш, шунингдек, якка тартибдаги турар жой ёки кўп квартирали уйдаги квартирани таъмирлаш.

Кредитнинг максимал миқдори:

Қурилиш ва реконструкция учун:

Тошкент шаҳрида — 600 млн сўмгача;
бошқа ҳудудларда — 300 млн сўмгача.

Уй-жойни таъмирлаш учун:

Тошкент шаҳрида — 300 млн сўмгача;
бошқа ҳудудларда — 200 млн сўмгача.

Банк бўлинмалари ўртасида тегишли келишув мавжуд бўлган тақдирда, таъмирлаш учун кредит суммаси 500 млн сўмгача бўлиши мумкин.

Кредит муддати:

Қурилиш ва реконструкция:

22% ставкда — 10 йилгача;
23% ставкда — 15 йилгача.

Уй-жойни таъмирлаш:

22% ставкда — 7 йилгача;
23% ставкда — 10 йилгача.

Бошланғич бадал:

қурилиш ва реконструкция учун — лойиҳа қийматининг 20 фоизидан бошлаб;
уй-жойни таъмирлашни кредитлашда — талаб этилмайди.

Тўлов жадвали:
Аннуитет ёки дифференциал.

Имтиёзли давр:
Дифференциал тўлов жадвали бўйича 6 ойгача.

Кредит бериш усули:
Нақд пулсиз шаклда:

пудрат ташкилотининг ҳисоб-китоб ҳисобварағига;
қурилиш материаллари ишлаб чиқарувчиси ёки сотувчисининг ҳисобварағига;
ўзини ўзи банд қилган шахс сифатида рўйхатдан ўтган жалб этилган ходимларнинг банк карталарига ўтказиш орқали.

Молиялаштириш бажарилган ишлар ҳажмига мувофиқ босқичма-босқич амалга оширилиши мумкин.

Кредит таъминоти:
Кредит ажратилаётган қурилиш, реконструкция ёки таъмирлаш учун мўлжалланган турар жой кўчмас мулки гарови ёки бошқа мақбул мол-мулк.

Таъминот миқдори кредит суммасининг камида 125 фоизини ташкил этиши лозим. LTV кўрсаткичи 80 фоиздан ошмаслиги керак.

Кредит калькулятори

Кредит ташкилотларининг турли хил таклифларини кредит калькулятор ёрдамида таққослаб кўришингиз мумкин. Керакли майдонларни тўлдирсангиз, ҳар ойлик тўловлар бўйича тўлиқ ва қулай шаклдаги ахборотга эга бўласиз.

Кредитни ҳисоблаш