Қарз олувчи учун талаб этиладиган ҳужжатлар

• паспорт ёки ID-карта;

• даромадлар тўғрисидаги маълумотлар;

• ўзини ўзи банд қилган шахс сифатида рўйхатдан ўтганлик тўғрисидаги маълумотнома;

• 12 ой учун ижтимоий солиқ тўланганлиги тўғрисидаги маълумотнома;

• тадбиркорлик фаолиятини амалга ошириш бўйича бизнес-режа;

• микрокредит таъминотига оид ҳужжатлар;

• мол-мулк гаровга қўйилганда — мустақил баҳоловчи ташкилот ҳисоботи;

• зарур ҳолларда — oilakredit.uz платформаси орқали юборилган ариза;

• ҳудудий, туман ёки шаҳар штабининг тавсияномаси ёхуд қарори.

Қонунчиликка мувофиқ, Банк қўшимча ҳужжатларни талаб қилиши мумкин.

Кафил учун талаб этиладиган ҳужжатлар

• паспорт ёки ID-карта;

• даромадлар тўғрисидаги маълумотлар.

Кафил ҳарбий хизматчи бўлса, қўшимча равишда ҳарбий гувоҳнома асосида визуал идентификациядан ўтказилади.

Асосий талаблар

• Ўзбекистон Республикаси фуқароси бўлиши;

• мурожаат қилинган санада 18 ёшга тўлган ва 60 ёшдан ошмаган бўлиши;

• солиқ органларида ўзини ўзи банд қилган шахс сифатида рўйхатдан ўтган бўлиши;

• SQBнинг тегишли бўлинмасига бириктирилган ҳудудда фаолият юритиши;

• ижтимоий солиқни тўлаган бўлиши;

• асосий қарз ва фоизларни тўлаш учун етарли даромад манбаига эга бўлиши;

• тадбиркорлик фаолиятини амалга ошириш бўйича бизнес-режага эга бўлиши;

• қарз юки кўрсаткичи 50 фоиздан ошмаслиги;

• кредитлар ва микрокредитлар бўйича муддати ўтган қарздорлиги мавжуд бўлмаслиги.

Қарз олувчининг тўлов қобилияти етарли бўлса, амалдаги кредитлар, микрокредитлар ва тақдим этилган кафилликлар мавжуд бўлишига йўл қўйилади.

Даромадни тасдиқлаш

Ўртача ойлик даромадни аниқлашда қуйидаги маълумотлардан фойдаланиш мумкин:

• охирги 6 ой учун ҳисобланган иш ҳақи тўғрисидаги маълумотлар;

• пенсия миқдори ва жамғариб бориладиган пенсия бадаллари тўғрисидаги маълумотлар;

• тўланган солиқлар тўғрисидаги маълумотлар ва йиллик даромад декларацияси;

• охирги 6 ой давомида банк ҳисобварақлари ва карталарига келиб тушган маблағлар;

• қонунчиликда тақиқланмаган бошқа тасдиқланган даромад манбалари.

Мавсумий фаолият билан шуғулланувчилар учун охирги 6 ой давомида камида 3 ойда олинган даромадлар ҳисобга олиниши мумкин.

Даромад солиқлар чегириб ташланганидан кейин ҳисобланади.

Кафилга қўйиладиган талаблар

• Ўзбекистон Республикаси фуқароси бўлиши;

• мурожаат қилинган санада 18 ёшга тўлган ва 65 ёшдан ошмаган бўлиши;

• доимий иш жойи ва етарли миқдорда тасдиқланган даромадга эга бўлиши;

• қарз юки кўрсаткичи 50 фоиздан ошмаслиги;

• муддати ўтган кредит қарздорлиги мавжуд бўлмаслиги.

Кафил томонидан ўзини ўзи банд қилиш фаолиятидан олинадиган даромад сифатида мустақил равишда кўрсатилган даромад ҳисобга олинмайди.

«Маҳалла ишбилармони» микрокредити

Асосий маълумотлар

Кредит мақсади

Ўзини ўзи банд қилган шахс сифатида тадбиркорлик фаолиятини амалга ошириш.

Валюта

Миллий валюта — сўм.

Микрокредит миқдори

50 млн сўмгача.

Микрокредит миқдорини аниқлашда қарз олувчининг кредит ташкилотларидаги барча амалдаги микрокредитлари қолдиғи ҳисобга олинади.

Бошланғич бадал

Талаб этилмайди.

Микрокредит муддати

7 йилгача.

Имтиёзли давр

Дифференциал тўлов жадвали бўйича — 3 ойгача.

Фоиз ставкаси

Йиллик 21%.

Фоиз ставкасининг бир қисмини компенсация қилиш

• маҳсулот ишлаб чиқаришга йўналтирилган лойиҳалар учун — 4 фоиз пункти;

• қўшилган қиймат яратувчи қайта ишлаш лойиҳалари учун — 6 фоиз пункти.

Компенсация олиш учун ариза oilakredit.uz платформаси орқали юборилади. Компенсация ажратиш рад этилган тақдирда, фоизлар қарз олувчи томонидан тўлиқ миқдорда тўланади.

Кредитни сўндириш тартиби

• аннуитет;

• дифференциал.

Микрокредит таъминоти

Микрокредит миқдорининг камида 125 фоизи.

• икки нафардан кўп бўлмаган жисмоний шахс кафиллиги;

• микрокредитни қайтармаслик хавфидан суғурталаш полиси;

• ишлаб чиқарилганига 5 йилдан ошмаган автотранспорт воситаси;

• кўчмас мулк.

Турар жой гаровга қўйилганда, унда доимий рўйхатда турувчи шахслар бўлмаслиги лозим.

Маблағларни ажратиш шакли

Маблағлар қарз олувчининг банк картасига ўтказилади.