Qarz oluvchi uchun talab etiladigan hujjatlar

• pasport yoki ID-karta;

• daromadlar to‘g‘risidagi ma’lumotlar;

• o‘zini o‘zi band qilgan shaxs sifatida ro‘yxatdan o‘tganlik to‘g‘risidagi ma’lumotnoma;

• 12 oy uchun ijtimoiy soliq to‘langanligi to‘g‘risidagi ma’lumotnoma;

• tadbirkorlik faoliyatini amalga oshirish bo‘yicha biznes-reja;

• mikrokredit ta’minotiga oid hujjatlar;

• mol-mulk garovga qo‘yilganda — mustaqil baholovchi tashkilot hisoboti;

• zarur hollarda — oilakredit.uz platformasi orqali yuborilgan ariza;

• hududiy, tuman yoki shahar shtabining tavsiyanomasi yoxud qarori.

Qonunchilikka muvofiq, Bank qo‘shimcha hujjatlarni talab qilishi mumkin.

Kafil uchun talab etiladigan hujjatlar

• pasport yoki ID-karta;

• daromadlar to‘g‘risidagi ma’lumotlar.

Kafil harbiy xizmatchi bo‘lsa, qo‘shimcha ravishda harbiy guvohnoma asosida vizual identifikatsiyadan o‘tkaziladi.

Asosiy talablar

• O‘zbekiston Respublikasi fuqarosi bo‘lishi;

• murojaat qilingan sanada 18 yoshga to‘lgan va 60 yoshdan oshmagan bo‘lishi;

• soliq organlarida o‘zini o‘zi band qilgan shaxs sifatida ro‘yxatdan o‘tgan bo‘lishi;

• SQBning tegishli bo‘linmasiga biriktirilgan hududda faoliyat yuritishi;

• ijtimoiy soliqni to‘lagan bo‘lishi;

• asosiy qarz va foizlarni to‘lash uchun yetarli daromad manbaiga ega bo‘lishi;

• tadbirkorlik faoliyatini amalga oshirish bo‘yicha biznes-rejaga ega bo‘lishi;

• qarz yuki ko‘rsatkichi 50 foizdan oshmasligi;

• kreditlar va mikrokreditlar bo‘yicha muddati o‘tgan qarzdorligi mavjud bo‘lmasligi.

Qarz oluvchining to‘lov qobiliyati yetarli bo‘lsa, amaldagi kreditlar, mikrokreditlar va taqdim etilgan kafilliklar mavjud bo‘lishiga yo‘l qo‘yiladi.

Daromadni tasdiqlash

O‘rtacha oylik daromadni aniqlashda quyidagi ma’lumotlardan foydalanish mumkin:

• oxirgi 6 oy uchun hisoblangan ish haqi to‘g‘risidagi ma’lumotlar;

• pensiya miqdori va jamg‘arib boriladigan pensiya badallari to‘g‘risidagi ma’lumotlar;

• to‘langan soliqlar to‘g‘risidagi ma’lumotlar va yillik daromad deklaratsiyasi;

• oxirgi 6 oy davomida bank hisobvaraqlari va kartalariga kelib tushgan mablag‘lar;

• qonunchilikda taqiqlanmagan boshqa tasdiqlangan daromad manbalari.

Mavsumiy faoliyat bilan shug‘ullanuvchilar uchun oxirgi 6 oy davomida kamida 3 oyda olingan daromadlar hisobga olinishi mumkin.

Daromad soliqlar chegirib tashlanganidan keyin hisoblanadi.

Kafilga qo‘yiladigan talablar

• O‘zbekiston Respublikasi fuqarosi bo‘lishi;

• murojaat qilingan sanada 18 yoshga to‘lgan va 65 yoshdan oshmagan bo‘lishi;

• doimiy ish joyi va yetarli miqdorda tasdiqlangan daromadga ega bo‘lishi;

• qarz yuki ko‘rsatkichi 50 foizdan oshmasligi;

• muddati o‘tgan kredit qarzdorligi mavjud bo‘lmasligi.

Kafil tomonidan o‘zini o‘zi band qilish faoliyatidan olinadigan daromad sifatida mustaqil ravishda ko‘rsatilgan daromad hisobga olinmaydi.

«Mahalla ishbilarmoni» mikrokrediti

Asosiy ma’lumotlar

Kredit maqsadi

O‘zini o‘zi band qilgan shaxs sifatida tadbirkorlik faoliyatini amalga oshirish.

Valyuta

Milliy valyuta — so‘m.

Mikrokredit miqdori

50 mln so‘mgacha.

Mikrokredit miqdorini aniqlashda qarz oluvchining kredit tashkilotlaridagi barcha amaldagi mikrokreditlari qoldig‘i hisobga olinadi.

Boshlang‘ich badal

Talab etilmaydi.

Mikrokredit muddati

7 yilgacha.

Imtiyozli davr

Differensial to‘lov jadvali bo‘yicha — 3 oygacha.

Foiz stavkasi

Yillik 21%.

Foiz stavkasining bir qismini kompensatsiya qilish

• mahsulot ishlab chiqarishga yo‘naltirilgan loyihalar uchun — 4 foiz punkti;

• qo‘shilgan qiymat yaratuvchi qayta ishlash loyihalari uchun — 6 foiz punkti.

Kompensatsiya olish uchun ariza oilakredit.uz platformasi orqali yuboriladi. Kompensatsiya ajratish rad etilgan taqdirda, foizlar qarz oluvchi tomonidan to‘liq miqdorda to‘lanadi.

Kreditni so‘ndirish tartibi

• annuitet;

• differensial.

Mikrokredit ta’minoti

Mikrokredit miqdorining kamida 125 foizi.

• ikki nafardan ko‘p bo‘lmagan jismoniy shaxs kafilligi;

• mikrokreditni qaytarmaslik xavfidan sug‘urtalash polisi;

• ishlab chiqarilganiga 5 yildan oshmagan avtotransport vositasi;

• ko‘chmas mulk.

Turar joy garovga qo‘yilganda, unda doimiy ro‘yxatda turuvchi shaxslar bo‘lmasligi lozim.

Mablag‘larni ajratish shakli

Mablag‘lar qarz oluvchining bank kartasiga o‘tkaziladi.