SQB Mobile mobil ilovasi orqali ariza topshirish uchun hujjatlar talab etilmaydi.

Jismoniy shaxs kafilligi yoki mol-mulk garovi tanlangan taqdirda, ta’minotni rasmiylashtirish uchun mijoz tanlangan bank bo‘linmasiga murojaat qilishi lozim.

SQB Mobile orqali onlayn rasmiylashtirishda qarz oluvchiga qo‘yiladigan talablar

• O‘zbekiston Respublikasi fuqarosi bo‘lishi;

• mikroqarz olish uchun murojaat qilingan sanada mijoz 18 yoshga to‘lgan, mikroqarz to‘liq so‘ndiriladigan sanada esa 70 yoshdan oshmagan bo‘lishi lozim;

• qonunchilikda taqiqlanmagan hamda foizlar va asosiy qarzni har oyda to‘lash uchun yetarli bo‘lgan doimiy daromad manbaiga ega bo‘lishi;

• o‘rtacha oylik daromadni aniqlashda, mehnat ta’tili davri bundan mustasno, uzluksiz 6 oy uchun hisoblangan ish haqi, pensiya miqdori va jamg‘arib boriladigan pensiya badallari to‘g‘risidagi ma’lumotlar hisobga olinadi;

• qarz oluvchining daromadlari soliqlar chegirib tashlanganidan keyin hisobga olinadi;

• mijozning to‘lov qobiliyati ijobiy baholangan taqdirda, ilgari olingan kreditlar va taqdim etilgan kafilliklar bo‘yicha qarzdorlik mavjud bo‘lishiga yo‘l qo‘yiladi;

• joriy muddati o‘tgan qarzdorlik mavjud bo‘lishiga yo‘l qo‘yilmaydi;

• ilgari to‘liq so‘ndirilgan yoki amaldagi kreditlar bo‘yicha 90 kundan ortiq muddat davomida so‘ndirilmagan qarzdorlik aniqlansa, mikroqarz ajratish rad etiladi;

• qarz yuki ko‘rsatkichi 50 foizdan oshmasligi lozim;

• birgalikda qarz oluvchi ko‘zda tutilmagan.

Mikroqarzning maqsadi

Har qanday maqsadlar uchun.

Mikroqarz miqdori

2 mln so‘mdan 100 mln so‘mgacha.

Qarz oluvchining boshqa kredit tashkilotlaridagi barcha mikroqarzlari qoldig‘i hisobga olinganda, mikroqarzlarning umumiy miqdori 100 mln so‘mdan oshmasligi lozim.

Mikroqarz muddati

36 oygacha.

Mikroqarz valyutasi

Milliy valyuta — so‘m.

Foiz stavkasi turi

Qat’iy belgilangan.

O‘zbekiston Respublikasi Markaziy bankining asosiy stavkasi o‘zgarganda mikroqarz bo‘yicha foiz stavkasi o‘zgarishsiz qoladi.

To‘lov jadvali

Annuitet yoki differensial.

To‘lovlar davriyligi

Har oyda.

Imtiyozli davr

Ko‘zda tutilmagan.

Mikroqarz ta’minoti

• kreditni qaytarmaslik xavfidan sug‘urtalash polisi;

• uchinchi shaxs kafilligi;

• mol-mulk garovi.

Uchinchi shaxs kafilligi yoki mol-mulk garovi tanlangan hamda skoringdan muvaffaqiyatli o‘tilgan taqdirda, ta’minot bank bo‘linmasida rasmiylashtiriladi.

Ta’minot miqdori

Mikroqarz miqdorining kamida 130 foizi.

Sug‘urta polisining muddati

Sug‘urta shartnomasi va sug‘urta polisi mikroqarzning butun muddati uchun rasmiylashtiriladi.

Mikroqarzni rasmiylashtirish

Mikroqarz hujjatlar taqdim etilmagan holda, SQB Mobile mobil ilovasi orqali masofadan rasmiylashtiriladi.

Uchinchi shaxs kafilligi yoki mol-mulk garovi tanlangan taqdirda, ta’minotni rasmiylashtirish uchun mijoz tanlangan bank bo‘linmasiga murojaat qilishi lozim.

Mikroqarzni ajratish shakli

Mablag‘lar qarz oluvchining SQB Mobile mobil ilovasi orqali boshqariladigan hisobvarag‘iga yoki «O‘zsanoatqurilishbank» ATBda ochilgan bank kartasiga o‘tkaziladi.

Sug‘urta mukofotini to‘lash

• mijozning mobil ilovadagi akkauntiga biriktirilgan kartasidan;

• kredit mablag‘lari hisobidan sug‘urta kompaniyasining hisobvarag‘iga o‘tkazish orqali.

Garov sifatida qabul qilinadigan mol-mulk

• ishlab chiqarilgan sanasidan boshlab 5 yildan oshmagan avtotransport vositasi;

• ko‘chmas mulk;

• mikroqarz 12 oygacha bo‘lgan muddatga rasmiylashtirilganda, doimiy ro‘yxatda turuvchi shaxslar mavjud bo‘lmagan turar joy garov sifatida qabul qilinishi mumkin;

• garovga qo‘yiladigan mol-mulkka nisbatan taqiq yoki xatlov qo‘yilmagan bo‘lishi lozim.