Қарз олувчи банкнинг хизмат кўрсатувчи филиалига ариза билан қуйидаги ҳужжатларни тақдим етади: а) ўзининг паспорт нусхаси (нусха асли билан солиштирилади); б) кредит олувчининг охирги 12 ойлик (ёки охирги иш жойида бир йилдан кам иш стажига егалар учун – 6 ойдан ортиқ иш даври учун) иш ҳақи ва унга тенглаштирилган даромадлари тўғрисида (солиқ ушланмалари ва ажратмалари кўрсатилган) маълумотнома;

Истеъмол кредити 18 ёшга тўлган, доимий иш жойига, шахсий ёрдамчи ёки деҳқон хўжалигидан ёхуд якка тартибдаги тадбиркорлик фаолиятидан доимий даромадга, шунингдек истеъмол кредити бўйича ҳисоблаб ёзилган фоизларни ва асосий қарзни тўлов жадвалига мувофиқ ҳар ойда тўлаш учун йетарли бўлган, қонун ҳужжатларида тақиқланмаган бошқа даромад манбаига ега бўлган, илгари олинган кредитлар (қарзлар) бўйича сўндирилмаган муддати ўтган қарзи ҳамда салбий кредит тарихига ега бўлмаган шахсларга берилади.

Қуйидагилар истеъмол кредити объекти бўлиши мумкин эмас:

• • кўчмас мулк, шунингдек қонунга мувофиқ муомаладан чиқарилган ёки муомалада бўлиши чекланган бошқа мол-мулк;

  • илгари фойдаланишда бўлган жисмоний шахснинг истеъмол эҳтиёжлари учун мўлжалланган товарлар;

  • ўзаро жисмоний шахслар ўртасида тузилган шартномалар асосида сотиб олиниши кўзда тутилган товарлар (ишлар, хизматлар);

Банк томонидан жисмоний шахсга ажратилаётган истеъмол кредити таъминотига жисмоний шахс кафиллиги расмийлаштирилганда: а) базавий ҳисоблаш миқдорининг 100 бараваригача битта жисмоний шахс кафиллиги билан; б) базавий ҳисоблаш миқдорининг 150 бараваригача иккита жисмоний шахс кафиллиги билан; в) базавий ҳисоблаш миқдорининг 150 бараваридан ошган кредитлар гаров таъминоти асосида ажратилади.