Qarz oluvchi bankning xizmat ko‘rsatuvchi filialiga ariza bilan quyidagi hujjatlarni taqdim etadi: a) o‘zining pasport nusxasi (nusxa asli bilan solishtiriladi); b) kredit oluvchining oxirgi 12 oylik (yoki oxirgi ish joyida bir yildan kam ish stajiga egalar uchun – 6 oydan ortiq ish davri uchun) ish haqi va unga tenglashtirilgan daromadlari to‘g‘risida (soliq ushlanmalari va ajratmalari ko‘rsatilgan) ma’lumotnoma;

Iste’mol krediti 18 yoshga to‘lgan, doimiy ish joyiga, shaxsiy yordamchi yoki dehqon xo‘jaligidan yoxud yakka tartibdagi tadbirkorlik faoliyatidan doimiy daromadga, shuningdek iste’mol krediti bo‘yicha hisoblab yozilgan foizlarni va asosiy qarzni to‘lov jadvaliga muvofiq har oyda to‘lash uchun yetarli bo‘lgan, qonun hujjatlarida taqiqlanmagan boshqa daromad manbaiga ega bo‘lgan, ilgari olingan kreditlar (qarzlar) bo‘yicha so‘ndirilmagan muddati o‘tgan qarzi hamda salbiy kredit tarixiga ega bo‘lmagan shaxslarga beriladi. 

Quyidagilar iste’mol krediti obyekti bo‘lishi mumkin emas:

• • ko‘chmas mulk, shuningdek qonunga muvofiq muomaladan chiqarilgan yoki muomalada bo‘lishi cheklangan boshqa mol-mulk;

  • ilgari foydalanishda boʻlgan jismoniy shaxsning iste’mol ehtiyojlari uchun mo‘ljallangan tovarlar;

  • oʻzaro jismoniy shaxslar oʻrtasida tuzilgan shartnomalar asosida sotib olinishi koʻzda tutilgan tovarlar (ishlar, xizmatlar);

Bank tomonidan jismoniy shaxsga ajratilayotgan iste’mol krediti ta’minotiga jismoniy shaxs kafilligi rasmiylashtirilganda: a) bazaviy hisoblash miqdorining 100 baravarigacha bitta jismoniy shaxs kafilligi bilan; b) bazaviy hisoblash miqdorining 150 baravarigacha ikkita jismoniy shaxs kafilligi bilan; v) bazaviy hisoblash miqdorining 150 baravaridan oshgan kreditlar garov ta’minoti asosida ajratiladi.