1. Shaxsni tasdiqlovchi hujjatning asl nusxasi. Mijoz harbiy xizmatchilar uchun harbiy guvohnomasini taqdim etgan taqdirda, pasport nusxasi ham talab etiladi;

2. Daromadlari toʻgʻrisidagi maʼlumotlar (daromadlar bankning elektron dasturi orqali ham olinishi mumkin);

3. Ishlab chiqaruvchi yoki realizatsiya qiluvchi (yuridik shaxs) bilan tuzilgan oldi-sotdi shartnoma;

4. Taʻminotga doir hujjatlar. Agar ta’minotga mol-mulk garovi taqdim etilgan taqdirda mustaqil baholovchi tashkilot hisoboti;

5. Davlat soliq xizmati organlarida oʻzini oʻzi band qilgan shaxs sifatida roʻyxatdan oʻtganligi toʻgʻrisida ma’lumotnoma (zarur bo’lgan hollarda);

Shuningdek, qonunchilikda koʻrsatilgan boshqa tegishli hujjatlar ham talab qilinishi mumkin.

Mijozga qoʻyiladigan umumiy  talablar

Kreditni olish uchun murojaat qilgan kunida 18 yoshga toʻlgan va 65 yoshdan oshmagan (65 yosh ham kiradi) boʻlishi;

Doimiy ish joyiga, shu jumladan kredit boʻyicha hisoblangan foizlarni va asosiy qarzni toʻlov jadvaliga muvofiq har oyda toʻlash uchun yetarli boʻlgan qonun hujjatlarida ta’qiqlanmagan va hujjatlar bilan tasdiqlangan boshqa daromad manbaiga ega boʻlishi kerak.

O‘zini o‘zi band qilgan jismoniy shaxslarga quyidagi talablar doirasida kredit ajratiladi:

Davlat soliq xizmati organlarida oʻzini oʻzi band qilgan shaxs sifatida roʻyxatdan oʻtgan boʻlishi

Biznesni rivojlantirish banki tizimida ushbu kredit turidan foydalangan oʻzini oʻzi band qilgan fuqarolarga mazkur kredit bo‘yicha joriy qarzdorligi toʻliq soʻndirilgan taqdirda qayta

foydalanishga ruxsat beriladi.

Oʻzini oʻzi band qilgan shaxs tomonidan kamida olti oy davomida bank karta aylanmasiga ega bo’lishi.