1.Паспорт ёки паспорт ўрнини босувчи ҳужжат. Мижоз ҳарбий хизматчилар учун ҳарбий гувоҳномасини тақдим этган тақдирда, паспорт нусхаси ҳам талаб этилади;
2.Даромадлари тўғрисидаги маълумотлар/электрон маълумотлар (банкнинг ФБ CРМ ягона ойна дастури орқали ҳам олиниши мумкин);
3.Талаба ва таълим ташкилоти ўртасидаги тўлов-контракт асосида ўқиш ҳақида белгиланган тартибда расмийлаштирилган шартнома (контракт) ва унга илова қилинадиган ҳисоб варақаси/фактураси (мавжуд бўлганда). Шартнома (контракт)да ўқишни тамомлашнинг белгиланган муддати ва тўлов микдори кўрсатилган бўлиши лозим.
4.Таълим кредити қайтарилишининг таъминотига доир ҳужжатлар ва зарур ҳолларда гаров мулкини баҳолаш юзасидан мустақил баҳолаш ташкилоти ҳисоботи;
5. «Ижтимоий ҳимоя ягона реэстри» га киритилганлигини тасдиқловчи маълумотнома («Ижтимоий ҳимоя ягона реэстри» га киритилган оилалар фарзандлари учун)
Шунингдек, қонунчилик ва банкнинг ички ҳужжатларида белгиланган бошқа ҳужжатлар, шу жумладан, биргаликда қарз олувчига тегишли маълумот ва ҳужжатлар ҳам талаб қилиниши мумкин.

Иш ҳақи (камида 6 ой), ёшга доир пенсия, шахсий ёрдамчи, деҳқон хўжалиги, якка тартибдаги тадбиркорлик фаолияти бўйича асосий ҳисобварағи барча пул тушумларининг 10% (камида 6 ой).

а) таълим кредити олиш учун мурожаат қилган кунида 60 ёшдан ошмаган (60 ёш ҳам киради) Ўзбекистон Республикаси фуқароси бўлиши;
б) доимий иш жойига, якка тартибдаги тадбиркорлик фаолиятидан доимий даромадга, шунингдек таълим кредити бўйича ҳисобланган фоизларни ва асосий қарзни тўлов жадвалига мувофиқ тўлаш учун етарли бўлган қонун ҳужжатларида тақиқланмаган ва ҳужжатлар билан тасдиқланган бошқа даромад манбаига эга бўлиши;
в) таълим кредитини ажратишни кўриб чиқиш вақтида банк ва бошқа кредит ташкилотларидан аввал олинган кредитлар бўйича муддати ўтган қарздорлиги мавжуд бўлмаслиги.