фуқаролик пасспорти ёки идентификация ИД картаси ёхуд янги намунадаги миллий ҳайдовчилик гувоҳномаси; бошланғич бадал маблағларини шакллантирилганлиги тўғрисида банк маълумотномаси (бирламчи бозордан хонадон сотиб олишда қарз олувчи томонидан бошланғич бадал маблағлари тўғридан тўғри пудрат ташклилоти ҳисобварағига ўтказилган ҳолларда, пул маблағлари ўтказилганлигини тасдиқловчи ҳужжат); қарз олувчи билан сотувчи ўртасида тузилган уй-жойни дастлабки олди-сотди шартномаси; сотиб-олинадиган уй-жойга бўлган мулк ҳуқуқининг давлат рўйхатидан ўтказилганлиги тўғрисидаги гувоҳнома нусхаси ёки уй-жойга бўлган мулк ҳуқуқини давлат рўйхатидан ўтказилганлиги тўғрисида Давлат реестридан кўчирма нусха; сотувчининг уй-жойга бўлган мулк ҳуқуқини юзага келиши учун асос бўладиган ҳужжат нусхаси (олди-сотди, айирбошлаш, ҳадя шартномаси, меросга бўлган ҳуқуқ тўғрисидаги гувоҳнома, хусусийлаштирилган уй-жойга мулкчилик ҳуқуқини берувчи давлат далолатномаси, суд қарори ва ҳоказо); махсус лицензияга эга мустақил баҳоловчи ташкилотнинг уй-жой қийматини баҳолаш ҳисоботи; расмий манбалардан мустақил равишда маълумот олиш имкони бўлмаган тақдирда, қарз олувчи (биргаликда қарз олувчилар) томонидан охирги 12 ой мобайнидаги (12 ойдан кам ишлаган тақдирда, ишлаган давр учун, бироқ 4 ойдан кам бўлмаган муддатда) олган даромадлари тўғрисидаги маълумотнома; уй-жой бузилишига тушган ёки тушмаганлиги тўғрисида маълумотнома

Мижозга қўйиладиган талаблар: Ўзбекистон Республикаси фуқароси бўлиши; мурожаат қилган кунида 18 ёшга тўлган бўлиши ва 60 ёшдан ошмаган (60 ёш ҳам киради) бўлиши; мунтазам (доимий) даромадга, шунингдек, ипотека кредити бўйича ҳисобланган фоизларни ва асосий қарзни тўлов жадвалига мувофиқ ҳар ойда тўлашга етарли бўлган, қонун ҳужжатларида тақиқланмаган бошқа даромад манбаига эга бўлган шахслар; қарз юки кўрсаткичи 50 фоиздан юқори бўлмаган шахслар; ипотека кредити олиши учун уй-жой қийматининг белгиланган меъёрларда бошланғич бадални шакллантириш имкониятига эга бўлган шахслар; ипотека кредитини ажратишни кўриб чиқиш вақтида кредит ташклилотларидан аввалги олинган кредит (микроқарз)лар бўйича 30 кундан ортиқ муддати ўтган қарздорлик мавжуд бўлмаган, шунингдек, салбий кредит тарихига эга бўлмаган шахслар

Қарз олувчининг ўртача ойлик даромадлари: иш ҳақи ва унга тенглаштирилган тўловлар (узлуксиз, камида охирги 4 ой); ёшга доир пенсия тўловлари;фуқароларнинг жамғариб бориладиган пенсия бадаллари (камида охирги 6 ой); фоизлар, дивидендлар, мол-мулкниижарага беришдан олинган доимий тарздаги даромадлар (камида охирги 6 ой); Давлат солиқ хизмати органи томонидан тасдиқланган жисмоний шахсларнинг даромадлари бўйича декларация (охирги ҳисобот санасига, йиллик)