&amp;quot;Yangi hayot&amp;quot; Ипотека (Имеющие официальный доход и Самозанятые граждане)

Фоиз ставкалари

Иқтисодиёт ва молия вазирлиги маблағлари ҳисобидан — Марказий банкнинг асосий ставкаси + 4%;
Банкнинг ўз маблағлари ҳисобидан — йиллик 25%.

Ҳужжатлар

Паспорт ёки ID-карта;
Бошланғич бадал маблағлари жойлаштирилганлигини тасдиқловчи маълумотнома;
Олди-сотди тўғрисидаги дастлабки шартнома;
Қарз олувчи (биргаликда қарз олувчилар)нинг охирги узлуксиз 6 ой давомида хориждан Ўзбекистон Республикасига юборган пул ўтказмалари тўғрисидаги ҳамда labor.migration платформасидан рўйхатдан ўтганлигини тасдиқловчи маълумотнома.

Талаблар

Расмий даромад манбаига эга бўлган фуқаролар;
Йиллик ижтимоий солиқ тўлаган ўзини ўзи банд қилган фуқаролар;
Тўловга қобилиятсизлик тўғрисида иш қўзғатилмаган ёки Мажбурий ижро бюросида (МИБ) ижро иши мавжуд бўлмаган фуқаролар;
Шартнома тузиш вақтида 18 ёшга тўлган ва 60 ёшдан ошмаган, доимий яшаш жойига эга бўлган Ўзбекистон Республикаси фуқаролари;
Банкнинг амалдаги скоринг талабларига жавоб берадиган фуқаролар;
Субсидия хабарномасига эга бўлган фуқароларга скоринг талабларисиз ажратилади;
Қарз олувчи (биргаликда қарз олувчилар ва кафиллар)нинг ўртача ойлик даромади сўнгги 12 ойлик расмий даромад манбаи асосида ҳисобланади (12 ойдан кам ишлаган тақдирда — амалда ишлаган даври учун, бироқ камида 6 ойдан кам бўлмаган муддатга ҳисобланади);
Ўзини ўзи банд қилган фуқаролар учун ипотека кредити жорий йилда охирги 12 ойлик, 2027 йилдан бошлаб охирги 2 йиллик ва 2028 йилдан бошлаб охирги 3 йиллик давр учун ижтимоий солиқ тўланган тақдирда ажратилади.

Қўшимча шартлар

Иқтисодиёт ва молия вазирлиги ҳамда банкнинг ўз маблағлари ҳисобидан бирламчи бозордан уй-жой сотиб олиш учун ипотека кредити.

Қарз олувчи Иқтисодиёт ва молия вазирлиги маблағлари ҳисобидан ажратиладиган ипотека кредитидан 2024 йил 1 майдан сўнг фойдаланган бўлса, мазкур ипотека кредитидан қайта фойдаланиш ҳуқуқига эга эмас;
Бошланғич бадал учун субсидия хабарномасини олган фуқаролар ипотеканинг бошланғич бадалини шакллантиришда ўз маблағлари ҳисобидан уй-жой қийматининг камида 5 фоизини киритишлари лозим;
Ипотека кредити таъминотига олинаётган уй-жойни (ипотека предметини) суғурта таваккалчиликларидан суғурта қилиш талаб этилмайди;
Мазкур ипотека кредити бир вақтнинг ўзида ҳам Иқтисодиёт ва молия вазирлиги маблағлари, ҳам банкнинг ўз маблағлари ҳисобидан ажратилади. Кредитни фақат Иқтисодиёт ва молия вазирлиги ёки фақат банкнинг ўз маблағлари ҳисобидан алоҳида ажратишга йўл қўйилмайди;
Ушбу ипотека кредитини расмийлаштиришда фуқарога тизимда 2 та ариза ва 2 та кредит шартномаси расмийлаштирилади, бироқ қоғоз шаклида 1 та кредит шартномаси тузилиб, унда ҳар бир кредит манбаининг шартлари алоҳида кўрсатиб ўтилади. Бунда субсидия фақат Иқтисодиёт ва молия вазирлиги маблағлари ҳисобидан ажратилган қисмига татбиқ этилади;
Ушбу ипотека кредити маҳсулоти фақат кадастр ҳужжатлари расмийлаштирилган уй-жойларни сотиб олиш учун ажратилади.

Агар нарх 480 000 000 (тўрт юз саксон миллион) (Қорақалпоғистон Республикаси ва вилоятлар учун — 380 млн сўмгача) сўмдан ошса, банк ўз маблағлари ҳисобига 900 000 000 (тўққиз юз миллион) сўмгача йиллик 25% ставка билан, 120 (юз йигирма) ойгача муддатга ажратиш ҳуқуқига эга.

Иқтисодиёт ва молия вазирлиги маблағлари ҳисобидан — 240 ойдан ошмаган муддатга;

Банкнинг ўз маблағлари ҳисобидан — 120 ойдан ошмаган муддатга.

Кредит калькулятори

Кредит ташкилотларининг турли хил таклифларини кредит калькулятор ёрдамида таққослаб кўришингиз мумкин. Керакли майдонларни тўлдирсангиз, ҳар ойлик тўловлар бўйича тўлиқ ва қулай шаклдаги ахборотга эга бўласиз.

Кредитни ҳисоблаш

"Yangi hayot" Ипотека (Расмий даромадга эга ва Ўзини ўзи банд қилган фуқаролар)