Kobeydj karta – UzCard va UnionPay to’lov tizimlarining hamkorlikdagi kartasi bo’lib, undan har ikkala to’lov tizimining infrastrukturasida foydalanish mumkin. Kobeydj karta milliy valyutadagi (so’m) yagona hisobraqamga bog’langan bo’lib, so’mni AQSh dollariga bir zumda avtomatik ravishda konvertatsiya qilinishi evaziga uning saqlovchisiga dunyoning 176 ta davlat va mintaqalarida tovar va xizmatlar uchun to’lovlarni amalga oshirish imkoniyatini yaratadi.

Kobeydj kartalarining afzalliklari:

• O’zbekiston va dunyoning 176 ta davlat va mintaqalarida foydalanish imkoniyati;
• Xorijiy valyutada to’lovlar amalga oshirilayotganida milliy valyutadagi mablag’larning avtomatik tarzda konvertatsiya qilinishi;
• Xalqaro internet saytlardagi xaridlar uchun to’lovlarni amalga oshirish;
• Kontaktsiz to’lovlarni amalga oshirish – NFC, ko’p bosqichli himoya tizimi.
• AloqaMobile va mobil ilovalarga ulash imkoniyati;
• UnionPay infratuzilmasining barcha imtiyozlaridan baxramand olish;
• UzCard tizimida kartadan-kartaga pul o’tkazmalari;

Kontaktsiz texnologiyali kobeydj kartalar (NFC) – radiokanal orqali terminalga to’lov haqida malumotlarni uzatuvchi, chip va antenna bilan jihozlangan kartalardir.

Kontaktsiz kartalardan qanday foydalanish mumkin?

Kontaktsiz to’lovni NFC logotip tushirilgan terminallar orqali amalga oshirish mumkin.

To’lov jarayoni quyidagicha:

• Karta saqlovchisi kassir tomonidan kiritilgan to’lov summasini tekshiradi;
• Kontaktsiz karta ma'lumotlarni o’quvchi qurilmaga yaqinlashtiradi;
• ovozli signal chalinadi hamda ekranda to’lov amalga oshirilganligi haqida malumot ko’rsatiladi;
• Terminal o’chib yonadi (mablag’larning ikki marta echilishini oldini olish maqsadida).

Chet elda to’lovlar amalga oshirilganida kobeydj karta hisobraqamidan mablag’lar bankning valyuta ayirboshlash punktlarida AQSh Dollariga nisbatan o’rnatilgan sotuv kursi bo’yicha so’mda yechib olinadi.

Plastik kartochka olish uchun shaxsingizni tasdiqlovchi hujjat bilan bank filiallarga murojaat qilishingiz lozim. Bundan tashqari, kobeydj kartaga quyidagi havola orqali buyurtma berishingiz mumkin.