Зелёная ипотека на ремонт

Фоиз ставкалари

24,5%

Ҳужжатлар

Қарз олувчи тақдим этадиган ҳужжатлар

№	Ҳужжат номи	Изоҳ
1.	Фуқаролик паспорти ёки идентификация ID-картаси	Шахсни тасдиқловчи ҳужжат
2.	Даромадлар тўғрисидаги маълумотнома	Расмий манбалардан мустақил равишда олинган ёки иш берувчи томонидан берилган иш ҳақи тўғрисидаги маълумотнома (my.gov.uz, Ягона интерактив давлат хизматлари портали) орқали олинган охирги 12 ой мобайнидаги (12 ойдан кам ишлаган тақдирда ишлаган давр учун, бироқ охирги узлуксиз 6 ойдан кам бўлмаган муддатга)
3.	Уй-жойга бўлган ҳуқуқни тасдиқловчи ҳужжат	Давлат рўйхатидан ўтказилганлик гувоҳномаси, Давлат реестридан кўчирма ёки бошқа ҳуқуқни тасдиқловчи ҳужжатлар
4.	Мустақил баҳоловчи ташкилотнинг уй-жой қийматини баҳолаш ҳисоботи	Уй-жой қийматини белгилаш учун
5.	“Яшил лойиҳа” мақомини тасдиқловчи сертификат	http://green.uzmrc.uz/ сайтидан олинган хулоса

Талаблар

Қарз олувчига қўйиладиган талаблар

Талаб тури	Тавсиф
Ёш чеклови	Мурожаат қилган кунда 18 ёшга тўлган ва 60 ёшдан ошмаган (60 ёш ҳам киради) бўлиши
Тўлов имконияти	Ипотека бўйича фоизлар ва асосий қарзни ҳар ойда тўлов жадвалига мувофиқ тўлаш имконияти

Қарз олувчининг ўртача ойлик даромад манбалари

Даромад манбаси	Изоҳлар
Иш ҳақи ва унга тенглаштирилган тўловлар	Охирги 12 ой мобайнида (агар 12 ойдан кам ишлаган бўлса, лекин узлуксиз камида 6 ой бўлиши)
Ёшга доир пенсия тўловлари	Қабул қилинади
Жамғариб бориладиган пенсия бадаллари	Камида охирги 6 ой тўланган бўлиши керак
Фоизлар, дивидендлар, мол-мулкни ижарага беришдан олинган доимий даромадлар	Камида охирги 6 ой давомида олинган бўлиши керак
Давлат солиқ хизмати органи тасдиқлаган декларация	Муҳр ёки QR-код орқали тасдиқланган жисмоний шахснинг даромадлари

Қўшимча шартлар

1. Ипотека кредити ҳисобига таъмирланадиган уй-жой:

кадастр ҳужжати (эгалик ҳуқуқи) мавжуд бўлган якка тартибда қурилган уй-жойлар (ҳовли) ёки кўп қаватли уйдаги квартиралар бўлиши;
қарз олувчининг асосий яшаб турган турар-жойи бўлиши;
қарз олувчининг ўзига ёки унинг яқин қариндошлари (отаона, ака-ука, опа-сингил, эр-хотин, фарзандлари, бобо-буви)дан бирига тегишли бўлиши.

2. Қайта молиялаштирилаётган ипотека кредитларида кредит ажратилган даврдан қайта молиялаштирилгунча бўлган даврда муддати ўтган (30 кундан кўп) қарздорлиги бўлмаслиги керак.

3. Ижтимоий ва экологик Бошқариш тизими талабларига риоя қилган ҳолда ипотека кредит ажратилади.

4. Ажратиладиган кредитнинг камида 50%и http://green.uzmrc.uz/ веб-сайти орқали юклаб олинган хулосадаги товарлар (қурилиш материаллари, асбоб-ускуналар) сотиб олиш учун сарфланади ва ушбу товарларни сотиб олиш учун олдиндан тўлов амалга оширилиш мумкин.

5. Таъмирлаш ишлари учун дастлабки тўлов ўтказилгандан сўнг, кейинги босқич тўловлари банк ходими томонидан бажарилган ишларни жойига чиққан ҳолда ўрганиш натижаси бўйича тузилган далолатномага асосан ажратилади.

Кредит маблағлари тўлиқ ажратилгандан сўнг кредитнинг мақсадли ишлатилиши банк ходимлари томонидан жойига чиқган ҳолда мониторинг қилиниб, далолатнома расмийлаштирилади.

Кредит калькулятори

Кредит ташкилотларининг турли хил таклифларини кредит калькулятор ёрдамида таққослаб кўришингиз мумкин. Керакли майдонларни тўлдирсангиз, ҳар ойлик тўловлар бўйича тўлиқ ва қулай шаклдаги ахборотга эга бўласиз.

Кредитни ҳисоблаш

Ипотека-яшил таъмир