Асосий талаблар

• Ўзбекистон Республикаси фуқаролиги;
• ёши — 18 ёшдан 30 ёшгача (шу жумладан);
• ўзини ўзи банд қилган шахс сифатида рўйхатдан ўтган бўлиши;
• ижтимоий солиқ тўланган бўлиши;
• кредитни сўндириш учун етарли даромадга эга бўлиши;
• бизнес-режага эга бўлиши;
• кредитлар бўйича муддати ўтган қарздорлик мавжуд бўлмаслиги.

Қўшимча

• охирги 24 ой учун кредит тарихи мажбурий тарзда ўрганилади;

• 90 кундан ортиқ муддати ўтган қарздорлик ҳолати 2 мартадан ортиқ мавжуд бўлса, кредит ажратиш рад этилади;

• қарз юкламаси кўрсаткичи 50%дан ошмаслиги керак.

Кредит мақсади

Кредит қуйидаги йўналишлар бўйича тадбиркорлик фаолиятини молиялаштириш учун ажратилади:

• саноат;
• хизмат кўрсатиш;
• савдо;
• умумий овқатланиш;
• туризм;
• ҳунармандчилик;
• касаначилик;
• заргарлик фаолияти;
• қишлоқ хўжалиги (ишлаб чиқариш, сақлаш, қайта ишлаш);
• ишлаб чиқариш биноларини қуриш ва модернизация қилиш.

Муҳим: кредит алкоголь ва тамаки маҳсулотларини ишлаб чиқариш ҳамда реализация қилиш, улгуржи савдо, илгари олинган кредитларни сўндириш, шунингдек тадбиркорлик фаолиятида фойдаланилмайдиган енгил автомобилларни харид қилиш учун ажратилмайди.

Имтиёзли давр

• асосий қарз бўйича — 12 ойгача;
• фоиз тўловлари бўйича — 3 ойгача.

Имтиёзли давр фақат дифференциал тўлов усули қўлланилганда амал қилади.

Кредит таъминоти

Таъминот сифатида қуйидаги турлардан бири қабул қилинади:

• учинчи шахс кафиллиги;
• кредит қайтмаслиги хатари бўйича суғурта полиси;
• нотурар жой;
• фойдаланиш муддати 5 йилдан ошмаган автотранспорт воситаси.

Қўшимча шартлар

• кредит Ёшлар тадбиркорлигини ривожлантириш давлат мақсадли жамғармаси маблағлари ҳисобидан ажратилади;

• кредит тўлиқ сўндирилгандан сўнг қайта кредит олиш мумкин;

• кредит маблағларининг мақсадли ишлатилиши мониторинг қилинади;

• кредит банк ходимлари ва банк билан алоқадор шахсларга ажратилмайди.