Banklar

Aksiyadorlik tijorat «Aloqabank» O’zbekiston Respublikasi Vazirlar Mahkamasining qaroriga asosan 1994 yil 12 oktabrda O’zbekiston aloqa va axborotlashtirish agentligi korxonalari hamda kichik va o’rta biznes subyektlarini iqtisodiy qo’llab-quvvatlash maqsadida tashkil qilingan.

«ANOR BANK» AJ - tijorat raqamli bank. Biz tashrif buyurmasdan siz va sizning biznesingiz uchun bank xizmatlarini to‘liq taqdim etamiz.

Barcha xizmatlarni saytdan, mobil ilovasidan, yoki shunchaki sutkalik aloqa markaziga qo‘ng‘iroq qilib olish mumkin. Biz aynan shunday konsepsiyani tanladik, chunki u bugungi kunda o‘zini to‘liq oqlay oladi. Mamlakat aholisi yanada mobilroq bo‘lib qoldi, raqamli texnologiyalardan foydalanishni va ko‘pgina xizmatlarni masofadan va dunyoning istalgan nuqtasidan sutka davomida olishni afzal ko‘radi. Shaharda bizning odatiy bo‘limlarimiz yo‘q, biz mamlakat bo‘ylab millionlab qurilmalarda erishimlimiz. Har bir mijozga nisbatan individual yondashuvni saqlab va ma‘lumotlarga ishlov berishda xavfsizlikni kafolatlab, har qanday so‘rovga maksimal operativ tarzda ishlov berish uchun biz ulkan sa‘y-harakatlar qildik.

ANORBANK rivojlanish strategiyasining asosi- mijozga yo‘naltirilganlik. Ziyraklik va yordam berish istagi - bank xodimlari amal qiladigan asosiy sabab.

• Biz birinchi onlayn-servisni 2020 yilning sentyabr oyida ishga tushirdik
• Bankning shtab-kvartirasi va yagona ofisi Toshkentda joylashgan. Shuningdek sutkalik aloqa markazi ishlaydi.
• Yondashuvning soddaligi- bu boshidanoq biz tarqatishga qaror qilgan narsa. Biz odamlarga hayotda ham, biznesda ham bir qadam oldinda bo‘lish imkonini bermoqchimiz.

ANORBANK bilan hammasi oddiy:

Hech qanday bo'linmalar va navbatlar yoq. Har qanday operatsiyalar va barcha hisob-raqamlar sutka davomida har qanday joyda erishimli. Faqatgina smartfon va internetga kirish kerak.
Darhol yordam beramiz. Barcha to‘lovlar tushunarli va mutlaqo shaffof. To‘liq tarixni va bo‘lajak to‘lovlarning jadvalini har doim mobil ilovadan ko‘rish mumkin.
Har doim aloqadamiz. Yirik shaharlardan yiroqda yashaydigan yoki biznes yuritayotganlarga endi bankka borishning hojati yo‘q. Bankning o‘zi yoningizga keladi va qancha kerak bo‘lsa, shuncha qoladi.

«ASIA ALLIANCE BANK» O‘zbekiston Respublikasining yosh va jadallik bilan rivojlanib borayotgan bankidir. Bank o‘z faoliyatini O‘zbekiston Respublikasi Markaziy Banki tomonidan, 2009 yilning 15 avgustida bank operatsiyalarini amalga oshirish uchun berilgan, 79-sonli Litsenziyasi asosida amalga oshiradi.

Bank xizmatlarining barcha asosiy bozorlari-kreditlashtirish, qimmatli qog‘ozlar, plastic kartalar bilan operatsiyalar, to‘lov-kassa xizmatlari ko‘rsatish, valyuta operatsiyalari, yuridik va jismoniy shaxslar resurslari bozorida Bank mustahkam o‘rniga ega. To‘g‘ri talangan strategiya, izchil moliyaviy siyosat, biznesni madaniyatli yuritish qadriyatlariga sodiqlik tufayli Bank kuchli va ishonchli hamkor degan nomga sazovor bo‘ldi.

Faoliyatining sohasi va maqsadi

Bank operatsiyalari O‘zbekiston Respublikasi “Banklar va bank faoliyati to‘g‘risida”gi qonunida belgilangan tartibda O‘zbekiston Respublikasi Markaziy bankining maxsus ruxsatnomasi (litsenziya) asosida amalga oshiriladi.

Bank quyidagi bank operatsiyalarini amalga oshirishi mumkin:

• Jismoniy va yuridik shaxslarning, shu jumladan vakil banklarning hisobvaraqlarini ochish va yuritish, hisobvaraqlar bo‘yicha hisob-kitob qilish, omonatlarga pul mablag‘larini jalb etish;
• Kreditlarning qaytarishliligi, to‘lovliligi, ta’minlanganligi, maqsadliligi va muddatliligi sharti bilan o‘z mablag‘lari va jalb etilgan mablag‘lar hisobidan o‘z nomidan Bank mijozlariga – korxona, tashkilot va muassasalarga kreditlar berish;
• Mablag‘ egasi yoki mablag‘ni tasarruf etuvchi bilan tuzilgan shartnomaga binoan pul mablag‘larini boshqarish;
• Moliyaviy lizingni tashkillashtirish va amalga oshirish;
• Qimmatli qog‘ozlar chiqarish, xarid qilish, sotish, hisobini yuritish va ularni saqlash, mijoz bilan tuzilgan shartnomaga binoan qimmatli qog‘ozlarni boshqarish, shuningdek qimmatli qog‘ozlar bilan O‘zbekiston Respublikasining amaldagi qonunchiligida taqiqlanmagan boshqa operatsiyalarni barajarish;
• Pul mablag‘lari, veksellar, to‘lov va hisob-kitob hujjatlarini inkasso qilish;
• Jismoniy va yuridik shaxslarga hujjatlar va boshqa boyliklarni saqlash uchun maxsus binolar yoki ular ichidagi po‘lat sandiqlarni ijaraga berish;
• Uchinchi shaxslardan majburiyatlarning bajarilishini talab qilish huquqini olish;
• Bank faoliyati yuzasidan maslahat va axborot xizmati ko‘rsatish;
• Uchinchi shaxslar nomidan majburiyatlarning bajarishini nazarda tutuvchi kafolatlar berish;
• Xalqaro bank amaliyotlariga muvofiq, O‘zbekiston Respublikasi Markaziy banki tomonidan bank operatsiyalarini amalga oshirish uchun berilgan litsenziyasida maxsus ko‘rsatilgan boshqa operatsiyalar.

«AVO Bank» — innovatsion raqamli bank.

Mijozlarimiz kelajakda erkin va zamon bilan hamnafas bo‘lishlari uchun ularni zamonaviy moliyaviy yondashuv bilan ta'minlashga, hamda ishonchlilik va barqarorlikni kafolatlashga intilamiz. Madsadimiz — moliyaviy operatsiyalarni har bir o’zbekistonlik uchun maksimal darajada soddalashtirish va yangi imkoniyatlarni taqdim etish.

Ushbu maqsadlarga erishish yo’lida, biz mijozlarimiz hayotlarini yanada yaxshilashga yordam beradigan, yuqori sifatli mahsulot va xizmatlarni taklif qilamiz.

Mahsulotlarimiz haqida batafsil ma'lumotni saytimizda topishingiz mumkin: www.avo.uz

Eron Saderat banki 1952 yilda tashkil etilgan va 10 dan ortiq davlatlarda 3500 dan ortiq o'z ofis va filiallari mavjud. Bankning bosh ofisi Tehron shaxrida joylashgan.

Saderatbank Tashkent O'zbekiston bilan Eron o'rtasidagi iqtisodiy va savdo hamkorlik doirasida ochilgan bo`lib , o'z faoliyatini 1999 yildan O'zbekiston hududida amalga oshirmoqda. Bank To'liq xorijiy sarmoya asosida ochilgan bank bo'lib, O`zbekiston hududida barcha bank xizmatlarini amalga oshiradi.

Ustivor vazifalardan biri Eron va O'zbekiston o'rtasidagi savdo operatsiyalariga xizmat ko'rsatish va ushbu sohada mijozlarga yngilliklar yaratish bank faoliyatining asosiy yo'nalishlari hisoblanadi.

"Ipak Yo'li" aktsiyadorlik innovatsiya tijorat banki 1990 yildan buyon faoliyat yuritib kelmoqda. Bugungi kunga kelib, bank 2017 yil 21 oktyabrdagi 10-sonli bank litsenziyasi asosida ishlaydi. Bosh ofis Toshkent shahrida joylashgan. 2013 yildan beri Bankning aktsiyadori Osiyo taraqqiyot banki hisoblanadi. Ushbu bitim OTBning Markaziy Osiyo mintaqasidagi birinchi sarmoyasi bo'ldi.

2020 yil ortasida - Germaniyaning taraqqiyot moliya instituti DEG-Deutsche Investitions-und Entwicklungsgesellschaft mbH va Triodos Investment Management (o‘zining Triodos Microfinance Fund orqali) «Ipak Yo‘li» AITB aksiyadorlik kapitaliga deyarli 25 million AQSh dollariga teng investitsiya kiritishdi. Investorlar yangi chiqarilgan aksiyalarni sotib olish yo‘li bilan bankning aksiyadorlik kapitalidagi minoritar ulushini qo‘lga kiritdi, bu ularning O‘zbekistondagi bankning aksiyadorlik kapitaliga kiritgan ilk investitsiyasi hisoblanadi.

Bank o'z faoliyatini quyidagi asosiy yo'nalishlar bo'yicha olib boradi:

• Kichik va xususiy tadbirkorlik;
• Korporativ biznes;
• Chakana biznes;
• Moliyaviy institutlar;
• Investitsion biznes.

"Ipak yo'li" banki Toshkent shahrida va O'zbekiston Respublikasi viloyatlarida jami 16 ta filialga ega. Hozirgi vaqtda bizda viloyatlarda 8 ta filial, shuningdek Toshkent shahrida 8 ta filial, 36 ta mini-bank va 24 ta maxsus kassalar, 10 mingdan ortiq terminallar mavjud va 2019 yil davomida biz butun O'zbekiston bo'ylab 200 dan ortiq bankomatlar o'rnatdik va uladik. Bank mahsulotlari va xizmatlari aksariyat mintaqalarda taqdim etilgan, bundan tashqari, kelgusi 3 yil davomida Bank strategiyasiga muvofiq, mintaqalarda yana bir nechta filiallar ochilishi rejalashtirilgan.

Bankning raqamli kanallariga «Ipak Yo`li Mobile», «Biznes uchun Ipak Yo`li Mobile» mobil ilovalar va Internet Banking xizmati kiradi. 2017 yilda Bank respublika banklari ichida birinchilardan bo'lib, mijozlarga bir qator masofaviy xizmatlarni olishlari uchun sharoit yaratish maqsadida, bankning raqamli kanallarini joriy etdi, xususan, uyali telefonlar va Internet-banklar uchun bank dasturini ishga tushirdi.

Ipoteka-bank O’zbekistondagi eng yirik banklardan biri sanaladi. Bank ushbu sektorda muhim o’rin tutadi va doimiy ravishda 8.4% dan ortiq bozor ulushi bilan mustahkam bozor pozitsiyasiyasiga ega bo’lib, jami aktivlari bo’yicha O’zbekistondagi 5 eng yirik bank hisoblanadi. 2021-yil 1-dekabr holatiga ko‘ra, uy-joy ipoteka kreditlari bozorida bozor ulushi 32 foizni tashkil etgan uy-joy ipoteka kreditlari bo‘yicha O‘zbekistonda 1-o‘rinni egallab mutlaq yetakchilik qilib kelmoqda.

"Kapitalbank" aksiyadorlik tijorat banki O'zbekistondagi birinchi xususiy tijorat banklaridan biridir. 2001-yil aprel oyidan boshlab Bank O'zbekiston Respublikasi Markaziy banki litsenziyasi asosida muvaffaqiyatli faolyat yurita boshladi. 2004-yilda "Aviabank" (Toshkent sh.) aksiyadorlik tijorat banki bilan birlashgandan so'ng, Bank aksiyadorlik tijorat banki sifatida qayta ro'yxatdan o'tkazildi. 2008-yil dekabr oyida Bank o'zining to'liq -"Kapitalbank" ochiq aksiyadorlik tijorat banki nomi bilan yangi tahrirdagi Nizomni ro'yxatdan o'tkazdi. Bank Markaziy bankning 2014-yil 29-dekabrdagi 69-sonli bank operatsiyalarini oʻtkazish bo'yicha litsenziyasiga, shuningdek, 2014-yil 29-avgustdagi 64-sonli chet el valyutasida operatsiyalarni amalga oshirish uchun Bosh litsenziyasiga ega.

Tashkil etilganidan beri Bank yuqori sur'atlarda rivojlanib, korporativ mijozlarga xizmat ko'rsatish sohasida ham, chakana savdo segmentida ham yuqori o'sishni namoyish etdi.

Vaqt o'tishi bilan innovatsiyalarning qat'iy ro'yxati bankka yangi texnologiyalar hisobiga mahalliy bozorda yetakchi o'rinni egallashga imkon berdi, bu ko'plab mijozlarga sifatli xizmatlar ko'rsatish, xalqaro miqyosda tan olinishga va mamlakatdagi eng ishonchli va moliyaviy barqaror banklardan biri sifatida obro'-e'tibor qozonishga sabab boʻldi.

"KDB Bank O’zbekiston" AJ - O'zbekistondagi eng yirik xalqaro bankdir. Bankning asosiy aksioneri bank ustav kapitalidagi ulushi 86,32% bo'lgan, hamda yetakchi xalqaro reyting agentliklari tomonidan eng yuqori kredit reytingi berilgan (Standard and Poor's - AA / Moody's - Aa2 / Fitch - AA-) Koreya Respublikasining "KDB Bank" (Koreya Taraqqiyot Banki) dir.

KDB biznesni rivojlantiriish va mintaqaviy iqtisodiy o'sishni ta'minlash uchun korporativ va investitsion bank xizmatlarini doimiy kengaytirib kelmoqda. KDB yirik moliya tizimi sifatida dunyoning 19 mamlakatida 10 ta filiali, 7 ta sho'ba tashkilotlari va 7 ta vakolatxonalari orqali faoliyat yuritadi.

Koreya Taraqqiyot Banki 1954 yilda Koreyaning sanoat tarmoqlari va milliy iqtisodiyotini rivojlantirishga yordam berish uchun yirik sanoat kapitalini yetkazib berish va boshqarish maqsadida tashkil etilgan. Hukumatning to'la egaligi ostidagi yetakchi bank bo'lgan KDB Koreyaning moliyaviy xizmat ko'rsatish sohasini rivojlanishida muhim rol o'ynaydi.

"KDB Bank O'zbekiston" AJ (keyingi o'rinlarda "Bank") KDB (Koreya)ning mijozlarga bank xizmatlarini taklif etuvchi O'zbekistondagi bo'linmasi hisoblanadi. Mijozlarning asosiy qismini ishlab chiqarish sohasidagi xorijiy korxona filiallari va qo'shma korxonalar, savdo va xizmat ko'rsatishga ixtisoslashgan qo'shma korxonalar, shuningdek xorijiy mamlakatlarning diplomatik vakolatxonalari va xalqaro kompaniyalarning vakolatxonalari tashkil etadi.

O‘zbekiston Respublikasi Tashqi iqtisodiy faoliyat milliy banki 1991-yilda tashkil etilgan bo‘lib, 2019-yilda aksiyadorlik jamiyati shaklida qayta tashkil etildi. Qisqartirilgan nomi – «O‘zmilliybank» AJ. Bank ta’sischilari: O‘zbekiston Respublikasi Moliya vazirligi va Tiklanish va taraqqiyot jamg‘armasi.

«O‘zmilliybank» AJ aktivlari, kredit portfeli, kapitali, depozitlari va sof foydasi bo‘yicha O‘zbekistondagi eng yirik tijorat bankidir. U universal bank sifatida korporativ va chakana mijozlar uchun keng ko'lamli xizmatlarni taklif etadi. Bank barqarorligi «Standard & Poor’s», «MOODY’S», «Fitch» kabi nufuzli xalqaro reyting agentliklarining baholashlarida o'z ifodasini topmoqda.

«O‘zmilliybank» AJ bank faoliyatining barcha yo‘nalishlarida: chakana amaliyotlari, korporativ bank mijozlar, jumladan kichik va o‘rta biznesni kreditlash bo’yicha investitsion faoliyatni amalga oshirmoqda. Shu bilan birga yirik investitsiya loyihalarini faol kreditlash, innovatsion moliyaviy mahsulotlarni joriy etish, aholiga chakana bank xizmatlarini ko‘rsatishni rivojlantirish, shuningdek, bank faoliyatini moliyalashtirish manbalarini diversifikatsiya qilishga alohida e’tibor qaratilmoqda.

Bank turli xizmat ko‘rsatish kanallariga ega: keng filial tarmog‘i, bankomat va terminallarning katta tarmog‘i, qulay raqamli kanallar – Milliy mobil ilovasi, Milliy veb-versiyasi va Ibank xizmati shular jumlasidan.

“Octobank” aksiyadorlik jamiyati 2001 yil iyun oyida asos solingan. 2001 yil 23 iyunida Bank tomonidan bank operatsiyalarini amalga oshirish huquqini beruvchi 70-sonli litsenziya olingan. 2002 yil noyabridan Bank Fuqarolarning O'zbekiston Respublikasi banklaridagi omonatlarini kafolatlash Fondi, “Toshkent” fond birjasi, hamda O'zbekiston Respublikasi Banklar assotsiatsiyasi a'zosi hisoblanadi.

Hozirgi paytda Bank asositiy e'tiborni quyidagilarga qaratmoqda:

• Mijozlarga xizmat ko'rsatishda bir xil yondashuvga amal qilish;
• Xizmat ko'rsatish texnologiyalarini zamonaviylashtirib borish;
• Xizmat ko'rsatish sifatini oshirib borish;
• Har bir mijozga alohida yondashgan holda standart texnologiyalarni tadbiq etib borish;
• Shaxsiy menedjerlar xizmatlarini tashkil etish;
• Mijoz bilan Bank bo'linmalari o'rtasida munosabatlarning samaradorligini oshirib borish;
• O'zgaruvchan tarif siyosatini olib borish, mijozlar bilan hamkorlik munosabatlarini mustaxkamlash.

Bankning yaqin 5 yilga mo'ljallangan strategik rivojlanish dasturining ustivor yo'nalishlaridan biri filiallar va mini-banklar ochish orqali bank infratuzilmasini kengaytirishdan iborat. Bank infrotuzilmasini kengaytirish dasturining amalga oshirilishi Bank faoliyati ko'lamining barqaror o'sib borishini ta'minlaydi. Bunda Bank asosiy e'tiborni kichik biznes va xususiy tadbirkorlik sub'ektlarini moliyalashtirishga qaratadi.

 “Orient Finans” xususiy aksiyadorlik-tijorat banki moliya olamida Sizning hamkoringizdir. Biz O‘zbekistonda 2010-yildan beri faoliyat yuritib kelamiz va uzoq yillar davomida insonlar va kompaniyalarning hurmati va sadoqatini uyg‘otadigan sifatli xizmatlarni yaratish uchun tajribalarimiz va kuchimizni sarflaymiz. Biz mijozlarimizning hayoti va ishlarini yaxshi tomonga o'zgartirishga, ularning o'sishiga yordam berishga, vaqtni tejashga va ularni zerikarli ishlardan ozod qilishga intilamiz.

Mijozlar

Hajmi va mulkchilik shaklidan qat’iy nazar, yuridik va jismoniy shaxslarning yuqori sifatli zamonaviy bank xizmatlariga bo‘lgan ehtiyojlarini maksimal darajada qondirish. Har bir mijoz uchun individual yondashuv, yuqori e'tibor va samarali ish bizning mijozlar bilan munosabatlarimizning asosidir. Hozirda biz 600 000 dan ortiq mijozlarga (jismoniy shaxslar) va 16 000 dan ortiq korporativ mijozlarga xizmat ko'rsatamiz.

Filiallar

Ayni paytda “Orient Finans” banki 12 yillik faoliyati davomida 7 ta filial, 5 ta minibank va 6 ta bank xizmatlari koʻrsatish markaziga ega. Barcha ofislar Termiz shahridan Toshkent viloyatigacha bo‘lgan strategik jihatdan muhim mavqega ega bo‘lib, bu mijozlarga yanada yaqinroq bo‘lishimizga va bank sohasi bilan bog‘liq muammolarni hal qilishda tezkor yordam berishga yordam beradi. Bundan tashqari, raqamli dunyoda yanada yaqinroq bo'lish uchun biz bank xizmatlarining noyob masofaviy ofisini yaratdik.

Mukofotlar va yutuqlar

S&P Global Ratings xalqaro reyting agentligi “Orient Finans” bankning uzoq muddatli kredit reytingini “B+”, qisqa muddatli kredit reytingini “B+” darajasida tasdiqladi, reytingni o‘zgartirish prognozi “Barqaror”.

Moliyaviy ko'rsatkichlar

Biz dunyoning yirik moliya institutlari bilan faol hamkorlik qilamiz. Eng yirik xalqaro banklarda vakillik hisobvaraqlarining mavjudligi xalqaro operatsiyalar va hujjatli operatsiyalarni tezkorlik bilan amalga oshirish imkonini beradi. Bizning bankimiz MasterCard, Visa International, Union Pay International va JCB to'lov tizimlarining to'liq printsipial ishtirokchisi hisoblanadi. Bu bizga terminallarimiz va bankomatlarimiz orqali dunyoning yirik toʻlov tizimlarining istalgan kartalariga xizmat koʻrsatish imkonini beradi.

30 yillik tarixga ega boʻlgan TBC Bank Gruziya va Kavkazortining eng yirik banki hisoblanadi. 2016 yildan buyon TBC Bank aksiyalarining savdosi Londonning Stock Exchange London birjasida yuritiladi. Oʻtgan yil davomida TBC Bank aksiyalarining London fond birjasidagi kotirovkasi 44,95% foizga oʻsib, kompaniya aksiyalarining umumiy qiymati 1 milliard AQSh dollaridan oshdi (784,14 mln funt sterling).

TBC Bank 2020 yilda mamlakatdagi birinchi raqamli bank sifatida Oʻzbekiston bozoriga kirib keldi. 2021 yil 1 mart holatiga TBC UZ ilovasi 1,9 million marta yuklab olingan. 2021 yil sentabr oyining oxirida ikki institutsional investorlar, ya’ni YTTB va IFC har biri TBC UZ da 20 foiz aksiyaga ega bo’lish bo’yicha shartnoma imzoladilar. Investorlarning har biri amalga oshiradigan birinchi to’lovi 9,4 million AQSh dollarni tashkil etgan.

Bank pul oʻtkazmalari, kreditlar, muddatli toʻlov, depozitlar, toʻlovlarni amalga oshirish, bank kartalarini berish kabi xizmatlarni raqamli formatda koʻrsatib kelmoqda. Barcha xizmatlardan TBC UZ ilovasi orqali foydalanish mumkin. TBC Bank mahsulotlari to’plamini yanada kengaytirish ustida ishlab kelmoqda va insonlar hayotini shu yerda va hozir osonlashtirishga bel bogʻlagan.

“Trastbank” xususiy aksiyadorlik banki 1994-yilda o‘z faoliyatini boshlagan bo‘lib, mijozlarga barcha bank mahsulotlari va xizmatlarini ko‘rsatib kelmoqda. Xususan, bugungi kunda hududlarda 13 ta filial va 100 ga yaqin bank xizmatlari markazlarida malakali mutaxassislar tomonidan tezkor va sifatli xizmat ko‘rsatilmoqda. Biz mijozlarimizning bizga bo‘lgan ishonchini qadrlaymiz. Zero, “Trastbank” – ishonch bilan yuzma-yuz!

«Universal Bank» aksiyadorlik-tijorat bankiga 2001-yilda asos solingan. “Universal Bank” bank operatsiyalarining asosiy turlarini, shu jumladan xususiy va korporativ mijozlarga xizmat ko’rsatish, investitsiya banklari, xalqaro pul o’tkazmalari, shuningdek, konsalting va axborot xizmatlarini taqdim etadi. ATB “Universal Bank” korporativ va chakana segmentlarda faol ishlaydi. Rivojlangan bank texnologiyalaridan foydalanish, moslashuvchan tariflar, mijozlar biznesining o'ziga xos xususiyatlariga individual yondashish bankning moliyaviy ko'rsatkichlarining jadal o'sishi va bankni yanada muvaffaqiyatli bo'lishiga imkon beradi. Bank bugungi kunda rivojlanishning yangi bosqichiga ega bo'lib, bu xizmat turlarini kengaytirish, bozorning talablariga muvofiq yangi zamonaviy bank mahsulotlarini ishlab chiqish va mijozlarga xizmat ko'rsatishni yaxshilashni o'z ichiga oladi.

ATB “Universal Bank”ning Farg'ona viloyatida, Namangan viloyatida, Toshkent shahrida va Zangiota tumanida, jami 7 ta filiali mavjud.
ATB “Universal Bank” faoliyatida tayanch tamoyil – mijozlarga xizmat ko‘rsatishda maksimal qulaylik va moslashuvchanlik. ATB “Universal Bank” bank guruhining joriy stratеgik ustuvor yo‘nalishlari qatorida foydani oshirish maqsadida aktivlar va passivlarni samarali boshqarish, qarzdor sifatiga yo‘nalgan holda krеdit portfеlini muntazam o‘stirib borish, vositachilik foydasini oshirish, qarz kapitali bozoriga mablag‘larni ko‘proq jalb etish, hisob-kitob biznеsi va masofadan xizmat ko‘rsatish kanallarini yanada rivojlantirishni alohida ajratib ko‘rsatish mumkin. Bankning mijozlar bazasini sanoat, savdo, umumiy ovqatlanish korxonalari, kredit, moliya va sug‘urta kompaniyalari va boshqa xo‘jalik yurituvchi subyektlar tashkil etadi.

Uzum - bu raqamli ekotizimni rivojlantiruvchi kompaniyalar guruhi, ushbu guruhning ichiga moliyaviy xizmat va keng assortimentli marketpleys hamda tezkor yetkazib berish xizmatlari kiradi. Uzum Bank Uzum brendining uchinchi servisiga aylandi. Shuningdek, hozirda ekotizimga keng assortimentli va tez yetkazib beriladigan “Uzum Market” marketpleysi, “Uzum Nasiya” muddatli to'lov servisi, “Uzum Tezkor” restoran va doʻkonlardan tez yetkazib berish servislari kiradi.

"Yangi Bank" — qulay va oddiy mobil bank.

Biz foydalanish uchun qulay mahsulotlar: qarzlar, omonatlar, raqamli kartalar ishlab chiqaramiz. Rasmiylashtirish doim 3 daqiqa vaqt oladi va jarayon onlayn tarzda amalga oshiriladi. Qo‘llab-quvvatlash bo‘limimiz sizga har qanday muammoni hal qilishda yordam berish uchun 24/7 aloqada.

Kundalik hayot uchun ishonchli bank bo‘lgan holda tizimni kun sayin takomillashtirib boramiz. Pullaringiz xavfsizlikda saqlanadi!

Ilovani Google Play yoki App Store’dan yuklab olish mumkin

Barcha mahsulotlar haqida batafsil ma’lumot saytimizda

«Ziraat Bank Uzbekistan» aksiyadorlik jamiyati O`zbekiston Respublikasining amaldagi qonunchilik hujjatlari asosida tashkil etilgan va O`zbekiston Respublikasi Markaziy Bankida o`rnatilgan tartibda ro`yxatga olingan moliyaviy muassasa hisoblanadi. Mamlakatimizning moliyaviy xaritasida "O'zbekiston-Turkiya banki" yopiq aktsiyadorlik jamiyati xorijiy investitsiyalar ishtirokida tashkil etilgan tijorat banklari orasida birinchi moliyaviy-kredit muassasasi bo'ldi. U 1993 yilda 2 ta yirik bank - Turkiyaning "Ziraat bankasi" va O`zbekistonning "Agrobank"i kapitali ishtirokida tashkil topdi.

2017 yil 30 noyabrda Turkiyaning "Ziraat Bankasi" «UTBANK»ning "Agrobank" OAJdagi 50% aksiyalar paketini to`liq sotib olishi hisobiga O'zbekiston-Turkiya bankining to'liq sohibi bo'ldi. Mazkur bitim tuzilganidan so'ng, "UTBANK" OAJning yagona aktsiyadori hisoblangan Turkiya Respublikasi Davlat Banki hisoblangan "Ziraat Bankasi" bankning nomini "Ziraat bank Uzbekistan" deb o'zgartirish to'g'risida qaror qabul qildi. Turk tomonidan investitsiyalarning kiritilishi - O'zbekistonda investitsiya muhitini yaxshilashga qaratilgan va rivojlantirish strategiyasidan bir yo'nalishni amalga oshirish bo'yicha olib borilayotgan ishlar natijasidir.

"Ziraat bank Uzbekistan" ning yagona aksiyadori - Turkiya Respublikasi Davlat Banki hisoblangan "Ziraat Bankasi" bir yarim asrlik tarixga ega. "Ziraat Bankasi" Turkiyadagi eng yirik kredit tashkilotidir, unig Turkiyada 1,800 dan filiallari mavjud bo`lib, o`z mijozlariga korporativ, savdo, qishloq xo'jaligi va chakana xizmatlari bo`yicha bank xizmatlarini taqdim etadi.