Ипотека Universal hamkor

Фоиз ставкалари

Кредит фоиз ставкаси

Хонадон банкка гаровга қўйилгунга қадар:
— Марказий банк асосий ставкаси + 4% … + 8%.

Хонадон банкка гаровга қўйилгандан сўнг фоиз ставкаси қайта кўриб чиқилади:
— Иқтисодиёт ва молия вазирлиги ресурс маблағлари ҳисобидан — Марказий банк асосий ставкаси + 4% (ўзгарувчан);
— банкнинг ўз ва жалб қилинган маблағлари ҳисобидан — Марказий банк асосий ставкаси + 13% (ўзгармас).

Агар уй фойдаланишга топширилгандан сўнг хонадон белгиланган тартибда банкка гаровга қўйилмаса:
— 27% (ўзгармас) фоиз ставкаси қўлланилади.

Ҳужжатлар

Қарз олувчи мурожаат қилганда тақдим этадиган ҳужжатлар:

Шахсни тасдиқловчи ҳужжат:
- ҳужжатнинг асл нусхаси;
- ЯИДХП орқали фойдаланилганда ҳужжатни рақамли шаклда тақдим этишга рухсат этилади;
- ҳарбий хизматни ўтаган мижозлар ҳарбий гувоҳномани тақдим этганда қўшимча равишда паспорт нусхасини тақдим этиши керак.
Даромадлар тўғрисидаги маълумотлар:
- даромадларни тасдиқловчи ҳужжатлар ёки электрон маълумотлар;
- маълумотлар Банк томонидан тегишли ахборот тизими орқали электрон шаклда олиниши мумкин.
Ўзини ўзи банд қилган шахслар учун:
- ўзи учун ижтимоий солиқ тўланганлиги тўғрисидаги маълумотлар — зарур ҳолларда.
Уй-жой қурилишида улушдорлик асосида иштирок этишни тасдиқловчи шартнома.
Аукцион савдоларида ғолиб бўлганлик ва тўлов амалга оширилганлигини тасдиқловчи ҳужжат ёки маълумотлар — зарур ҳолларда.
Кредит таъминотига оид ҳужжатлар:
- мол-мулк гаровга тақдим этилганда — гаров предметининг қиймати бўйича мустақил баҳолаш ташкилотининг ҳисоботи.

Аризани кўриб чиқиш жараёнида Банк қонунчиликда белгиланган тартибда бошқа маълумотлар ва ҳужжатларни сўрашга ҳақли.

Ўзини ўзи банд қилган шахслар учун қўшимча талаб

2026-йил 1-апрелдан бошлаб ушбу маҳсулот доирасида ўзини ўзи банд қилган жисмоний шахсларга ипотека кредити ажратилганда ижтимоий солиқ тўлиқ тўланган бўлиши талаб этилади:

2026-йилда — охирги 1 йил учун;
2027-йилда — охирги 2 йил учун;
2028-йилдан бошлаб — охирги 3 йил учун.

Талаблар

Асосий талаблар

Қарз олувчи ёки биргаликда қарз олувчи қуйидаги талабларга жавоб берадиган Ўзбекистон Республикаси фуқароси бўлиши мумкин:

ипотека кредити олиш учун мурожаат қилинган санада — 18 ёшдан бошлаб;
кредит тўлиқ сўндириладиган санада — 70 ёшдан ошмаган бўлиши;
доимий иш жойи ва/ёки қонунчиликда тақиқланмаган, тасдиқланган бошқа даромад манбаига эга бўлиши;
даромади асосий қарз ва фоизларни тўлов жадвалига мувофиқ ҳар ой тўлаш учун етарли бўлиши керак.

Даромадни тасдиқлаш

Ўртача ойлик даромадни ҳисоблашда қуйидагилар инобатга олиниши мумкин:

иш берувчи томонидан тасдиқланган иш ҳақи;
пенсия тўловлари;
жамғариб бориладиган пенсия бадаллари;
зарур ҳолларда банк ҳисобварақларига келиб тушган маблағлар;
тўланган солиқлар тўғрисидаги маълумотлар, шу жумладан жисмоний шахснинг жами йиллик даромади тўғрисидаги декларация маълумотлари;
якка тартибдаги тадбиркорлар учун — асосий ҳисобварақдаги барча пул тушумларининг 20 фоизи. Маълумот тақдим этилган вақтда ҳисобварақ “Ўзсаноатқурилишбанк” АТБда юритилиши керак.

Даромадлар тўғрисидаги барча маълумотлар камида узлуксиз 6 ойлик даврни қамраб олиши керак.

Қўшимча шартлар

Кредит мақсади:
Банк билан келишилган объектлар бўйича кўп квартирали уйларнинг улушли қурилишида иштирок этишни молиялаштириш.

Фоиз ставкаси:

Квартира Банк гаровига топширилгунга қадар:
Ўзбекистон Республикаси Марказий банкининг асосий ставкаси + 4–8 фоиз банди.

Квартира Банк гаровига топширилгандан сўнг фоиз ставкаси қайта кўриб чиқилади:

жалб қилинган ресурслар ҳисобидан молиялаштирилганда — Марказий банкнинг асосий ставкаси + 4 фоиз банди, ўзгарувчан ставка;
Банкнинг ўз ва жалб қилинган маблағлари ҳисобидан молиялаштирилганда — Марказий банкнинг асосий ставкаси + 13 фоиз банди, қатъий ставка.

Агар уй фойдаланишга топширилгандан сўнг квартира белгиланган тартибда Банк гаровига топширилмаса, кредит шартномасига мувофиқ оширилган қатъий фоиз ставкаси қўлланилади.

Кредит муддати:
10 йилдан 20 йилгача.

Имтиёзли давр:
Дифференциал тўлов жадвали бўйича 6 ойгача.

Кредитнинг максимал суммаси

Лойиҳанинг 1-таклифи доирасида:
1 млрд сўмгача.

Иқтисодиёт ва молия вазирлиги томонидан жалб қилинган ресурслар ҳисобидан:

Тошкент шаҳрида — 480 млн сўмгача;
Қорақалпоғистон Республикаси ва вилоятларда — 380 млн сўмгача.

Кредитнинг максимал суммасигача етишмайдиган қисми Банкнинг ўз ва жалб қилинган маблағлари ҳисобидан молиялаштирилиши мумкин.

Лойиҳанинг 2-таклифи доирасида:

Тошкент шаҳрида — 480 млн сўмгача;
Қорақалпоғистон Республикаси ва вилоятларда — 380 млн сўмгача.

Бошланғич бадал:
Уй-жой қийматининг камида 20 фоизи, шу жумладан:

камида 15 фоизи — Иқтисодиёт ва молия вазирлиги ресурслари ҳисобидан;
камида 5 фоизи — Банк маблағлари ҳисобидан.

Тўлов жадвали:
Мижознинг танловига кўра — аннуитет ёки дифференциал.

Таъминотга қўйиладиган талаблар

Уй фойдаланишга топширилгунга ва квартира Банк гаровига қабул қилингунга қадар:
Қуйидаги таъминот турларидан бири қабул қилинади:

суғурта полиси;
жисмоний шахс кафиллиги;
кўчмас мулк гарови.

Қурилиш даврида қўшимча таъминот сифатида:

қурувчи юридик шахс кафиллиги ёки унга тегишли кўчмас мулк гарови. Таъминот қиймати кредит суммасининг камида 125 фоизини, Банк билан алоқадор шахслар учун эса камида 130 фоизини ташкил этиши керак. Таъминотнинг етишмайдиган қисми учун кредитнинг бутун муддатига суғурта полиси тақдим этилиши мумкин;
юридик шахснинг депозит маблағлари гарови.

Уй фойдаланишга топширилиб, кадастр ҳужжатлари расмийлаштирилгандан сўнг:

харид қилинаётган квартира Банк гаровига топширилади;
кредит суммаси гаровга қўйиладиган квартира қийматининг 80 фоизидан ошмаслиги керак.

Кредит калькулятори

Кредит ташкилотларининг турли хил таклифларини кредит калькулятор ёрдамида таққослаб кўришингиз мумкин. Керакли майдонларни тўлдирсангиз, ҳар ойлик тўловлар бўйича тўлиқ ва қулай шаклдаги ахборотга эга бўласиз.

Кредитни ҳисоблаш

«Универсал ҳамкор ипотека» кредити

Кредит фоиз ставкаси