Qarz oluvchi murojaat qilganda taqdim etadigan hujjatlar:

1. Shaxsni tasdiqlovchi hujjat:
   • hujjatning asl nusxasi;
   • YIDXP orqali foydalanilganda hujjatni raqamli shaklda taqdim etishga ruxsat etiladi;
   • harbiy xizmatni o‘tagan mijozlar harbiy guvohnomani taqdim etganda qo‘shimcha ravishda pasport nusxasini taqdim etishi kerak.
2. Daromadlar to‘g‘risidagi ma’lumotlar:
   • daromadlarni tasdiqlovchi hujjatlar yoki elektron ma’lumotlar;
   • ma’lumotlar Bank tomonidan tegishli axborot tizimi orqali elektron shaklda olinishi mumkin.
3. O‘zini o‘zi band qilgan shaxslar uchun:
   • o‘zi uchun ijtimoiy soliq to‘langanligi to‘g‘risidagi ma’lumotlar — zarur hollarda.
4. Uy-joy qurilishida ulushdorlik asosida ishtirok etishni tasdiqlovchi shartnoma.
5. Auksion savdolarida g‘olib bo‘lganlik va to‘lov amalga oshirilganligini tasdiqlovchi hujjat yoki ma’lumotlar — zarur hollarda.
6. Kredit ta’minotiga oid hujjatlar:
   • mol-mulk garovga taqdim etilganda — garov predmetining qiymati bo‘yicha mustaqil baholash tashkilotining hisoboti.

Arizani ko‘rib chiqish jarayonida Bank qonunchilikda belgilangan tartibda boshqa ma’lumotlar va hujjatlarni so‘rashga haqli.

O‘zini o‘zi band qilgan shaxslar uchun qo‘shimcha talab

2026-yil 1-apreldan boshlab ushbu mahsulot doirasida o‘zini o‘zi band qilgan jismoniy shaxslarga ipoteka krediti ajratilganda ijtimoiy soliq to‘liq to‘langan bo‘lishi talab etiladi:

• 2026-yilda — oxirgi 1 yil uchun;
• 2027-yilda — oxirgi 2 yil uchun;
• 2028-yildan boshlab — oxirgi 3 yil uchun.

Qarz oluvchi yoki birgalikda qarz oluvchi quyidagi talablarga javob beradigan O‘zbekiston Respublikasi fuqarosi bo‘lishi mumkin:

• ipoteka krediti olish uchun murojaat qilingan sanada — 18 yoshdan boshlab;
• kredit to‘liq so‘ndiriladigan sanada — 70 yoshdan oshmagan bo‘lishi;
• doimiy ish joyi va/yoki qonunchilikda taqiqlanmagan, tasdiqlangan boshqa daromad manbaiga ega bo‘lishi;
• daromadi asosiy qarz va foizlarni to‘lov jadvaliga muvofiq har oy to‘lash uchun yetarli bo‘lishi kerak.

Daromadni tasdiqlash

O‘rtacha oylik daromadni hisoblashda quyidagilar inobatga olinishi mumkin:

• ish beruvchi tomonidan tasdiqlangan ish haqi;
• pensiya to‘lovlari;
• jamg‘arib boriladigan pensiya badallari;
• zarur hollarda bank hisobvaraqlariga kelib tushgan mablag‘lar;
• to‘langan soliqlar to‘g‘risidagi ma’lumotlar, shu jumladan jismoniy shaxsning jami yillik daromadi to‘g‘risidagi deklaratsiya ma’lumotlari;
• yakka tartibdagi tadbirkorlar uchun — asosiy hisobvaraqdagi barcha pul tushumlarining 20 foizi. Ma’lumot taqdim etilgan vaqtda hisobvaraq “O‘zsanoatqurilishbank” ATBda yuritilishi kerak.

Daromadlar to‘g‘risidagi barcha ma’lumotlar kamida uzluksiz 6 oylik davrni qamrab olishi kerak.

Asosiy ma’lumotlar

Kredit maqsadi:
Bank bilan kelishilgan obyektlar bo‘yicha ko‘p kvartirali uylarning ulushli qurilishida ishtirok etishni moliyalashtirish.

Foiz stavkasi:

Kvartira Bank garoviga topshirilgunga qadar:
O‘zbekiston Respublikasi Markaziy bankining asosiy stavkasi + 4–8 foiz bandi.

Kvartira Bank garoviga topshirilgandan so‘ng foiz stavkasi qayta ko‘rib chiqiladi:

• jalb qilingan resurslar hisobidan moliyalashtirilganda — Markaziy bankning asosiy stavkasi + 4 foiz bandi, o‘zgaruvchan stavka;
• Bankning o‘z va jalb qilingan mablag‘lari hisobidan moliyalashtirilganda — Markaziy bankning asosiy stavkasi + 13 foiz bandi, qat’iy stavka.

Agar uy foydalanishga topshirilgandan so‘ng kvartira belgilangan tartibda Bank garoviga topshirilmasa, kredit shartnomasiga muvofiq oshirilgan qat’iy foiz stavkasi qo‘llaniladi.

Kredit muddati:
10 yildan 20 yilgacha.

Imtiyozli davr:
Differensial to‘lov jadvali bo‘yicha 6 oygacha.

Kreditning maksimal summasi

Loyihaning 1-taklifi doirasida:
1 mlrd so‘mgacha.

Iqtisodiyot va moliya vazirligi tomonidan jalb qilingan resurslar hisobidan:

• Toshkent shahrida — 480 mln so‘mgacha;
• Qoraqalpog‘iston Respublikasi va viloyatlarda — 380 mln so‘mgacha.

Kreditning maksimal summasigacha yetishmaydigan qismi Bankning o‘z va jalb qilingan mablag‘lari hisobidan moliyalashtirilishi mumkin.

Loyihaning 2-taklifi doirasida:

• Toshkent shahrida — 480 mln so‘mgacha;
• Qoraqalpog‘iston Respublikasi va viloyatlarda — 380 mln so‘mgacha.

Boshlang‘ich badal:
Uy-joy qiymatining kamida 20 foizi, shu jumladan:

• kamida 15 foizi — Iqtisodiyot va moliya vazirligi resurslari hisobidan;
• kamida 5 foizi — Bank mablag‘lari hisobidan.

To‘lov jadvali:
Mijozning tanloviga ko‘ra — annuitet yoki differensial.

Ta’minotga qo‘yiladigan talablar

Uy foydalanishga topshirilgunga va kvartira Bank garoviga qabul qilingunga qadar:
Quyidagi ta’minot turlaridan biri qabul qilinadi:

• sug‘urta polisi;
• jismoniy shaxs kafilligi;
• ko‘chmas mulk garovi.

Qurilish davrida qo‘shimcha ta’minot sifatida:

• quruvchi yuridik shaxs kafilligi yoki unga tegishli ko‘chmas mulk garovi. Ta’minot qiymati kredit summasining kamida 125 foizini, Bank bilan aloqador shaxslar uchun esa kamida 130 foizini tashkil etishi kerak. Ta’minotning yetishmaydigan qismi uchun kreditning butun muddatiga sug‘urta polisi taqdim etilishi mumkin;
• yuridik shaxsning depozit mablag‘lari garovi.

Uy foydalanishga topshirilib, kadastr hujjatlari rasmiylashtirilgandan so‘ng:

• xarid qilinayotgan kvartira Bank garoviga topshiriladi;
• kredit summasi garovga qo‘yiladigan kvartira qiymatining 80 foizidan oshmasligi kerak.