1. Shaxsni tasdiqlovchi hujjat (zarur hollarda YaIDXP orqali elektron shaklda).

2. Oxirgi 6 oy daromad ma’lumotlari (bank tomonidan elektron tarzda olinishi mumkin).

3. Zarur hollarda — o‘zini o‘zi band qilganlik to‘g‘risida ma’lumotnoma.

4. Qurilishda ulush kiritish shartnomasi.

5. Auksion orqali xarid qilinganda — g‘oliblik va to‘lovni tasdiqlovchi hujjatlar.

6. Kredit ta’minoti bo‘yicha hujjatlar (zarur hollarda mustaqil baholash hisoboti).

Bank qonunchilikka muvofiq qo‘shimcha hujjatlarni talab qilish huquqiga ega.

• O‘zbekiston Respublikasi fuqarosi;

• Murojaat sanasida 18–60 yosh;

• Yetarli va tasdiqlangan daromad manbai;

• Joriy muddati o‘tgan qarzdorlik mavjud emas;

• Qarz yuklamasi — 50 % dan ko‘p emas;

• So‘nggi 24 oy kredit tarixi o‘rganiladi.

• Yosh, daromad va qarzdorlik talablari asosiy qarz oluvchiga qo‘yilgan talablar bilan bir xil.

O‘zini o‘zi band qilgan shaxs daromadini quyidagilar bilan tasdiqlaydi:

• oxirgi 6 oy ichida bank kartasi/hisobraqamiga tushgan tushumlar;

• davlat soliq xizmati ma’lumotlari;

• daromad deklaratsiyasi.

Daromad soliqlar chegirilgan holda hisobga olinadi.
O‘zini o‘zi band qilgan shaxsning daromadi birgalikdagi qarz oluvchi uchun qabul qilinmaydi.

Kredit maqsadi:
Qurilayotgan ko‘p kvartirali uydan ulushdorlik shartnomasi asosida kvartira xarid qilishni moliyalashtirish. Kredit faqat Bank va quruvchi o‘rtasida hamkorlik shartnomasi tuzilgan obyektlar bo‘yicha ajratiladi.

Kreditning maksimal summasi:

• Toshkent shahri — 1,5 mlrd so‘mgacha;
• Qoraqalpog‘iston Respublikasi va viloyatlar — 800 mln so‘mgacha.

Boshlang‘ich badal:
Kvartira qiymatining kamida 20 foizi.

Imtiyozli davr:
Differensial to‘lov jadvali bo‘yicha 12 oygacha.

To‘lov jadvali:
Annuitet yoki differensial.

Moliyalashtirish manbai:
Bankning o‘z va jalb qilingan mablag‘lari.

Kredit ta’minoti

Uy foydalanishga topshirilgunga va kvartira garovga rasmiylashtirilgunga qadar:
Quyidagi ta’minot turlaridan biri yoki bir nechtasi taqdim etilishi mumkin:

• sug‘urta polisi;
• jismoniy va (yoki) yuridik shaxs kafilligi;
• ko‘chmas mulk shaklidagi qo‘shimcha garov.

Ta’minot qiymati kredit summasining kamida 125 foizini, Bank bilan aloqador shaxslar uchun esa kamida 130 foizini tashkil etishi kerak. Ta’minotning yetishmaydigan qismi uchun sug‘urta polisi taqdim etilishi mumkin.

Uy foydalanishga topshirilib, mulk huquqi ro‘yxatdan o‘tkazilgandan so‘ng:
Xarid qilinayotgan kvartira Bank garoviga topshiriladi. Kredit summasi kvartira qiymatining 80 foizidan oshmasligi kerak.

Avval taqdim etilgan sug‘urta polisining maqsadi garov mulkini sug‘urtalashga o‘zgartirilishi mumkin. Sug‘urta shartnomasi Bank tomonidan tasdiqlangan shaklda kreditning butun muddati uchun rasmiylashtiriladi.

Qo‘shimcha shartlar:

• kredit faqat Bank bilan hamkorlik shartnomasi imzolangan obyektlar bo‘yicha ajratiladi;
• qarz oluvchining kreditlar bo‘yicha joriy muddati o‘tgan qarzdorligi mavjud bo‘lmasligi kerak;
• qarz oluvchi va birgalikda qarz oluvchilarning qarz yuki ko‘rsatkichi 50 foizdan oshmasligi kerak;
• kredit ipoteka subsidiyasini oluvchi fuqarolarga ajratilmaydi.