- qarz oluvchi (birgalikda qarz oluvchi)ning pasportini asl nusxasi (filial xodimi tomonidan pasportdan nusxa olinadi);
- ta’mirlanadigan uy-joyga bo‘lgan huquqning davlat ro‘yxatidan o‘tkazilganligi to‘g‘risidagi guvohnoma nusxasi yoki uy-joyga bo‘lgan huquqni davlat ro‘yxatidan o‘tkazilganligi to‘g‘risida Davlat Reyestridan ko‘chirma nusxasi;
 - “Yashil” loyiha maqomini tasdiqlovchi sertifikat;
 - baholovchi tashkilotning uy-joy qiymatini baholash hisoboti;
 - qarz oluvchi (birgalikda qarz oluvchilar) tomonidan oxirgi 12 oy mobaynidagi (12 oydan kam ishlagan taqdirda–ishlangan davr uchun, biroq 6 oydan kam bo‘lmagan muddatda) olgan daromadlari to‘g‘risidagi ma’lumotnomalari.

• Qarz oluvchi — 18 yoshga to'lgan va 60 yoshgacha bo'lgan O'zbekiston Respublikasi fuqarosi (jismoniy shaxs).
• Muntazam (doimiy) rasmiy daromad manbasiga ega bo'lish (ish haqi, pensiya va nafaqalar hisobga olinadi).
• Kreditlanadigan turar-joy — kadastr hujjati mavjud yakka tartibda qurilgan uy-joy (hovli) yoki ko'p qavatli uydagi xonadon.
• Oylik sof daromad chegarasi: bank mablag'i hisobidan berilganda 21 million so'mdan oshmasligi lozim (daromad yetmasa, birgalikda qarz oluvchi daromadi bilan jamlanadi); obligatsiya emissiyasi hisobidan berilganda — chegara belgilanmagan.
• Ikkinchi ipoteka krediti: bank mablag'i hisobidan — ruxsat etilmaydi; obligatsiya emissiyasi hisobidan — mumkin.

Kredit maqsadi: Kredit oluvchining asosiy yashab turgan turar-joyini ta'mirlash uchun. (Tarkibiy o'zgartirishlar (qayta qurish) va uy-joy qurish kiritilmaydi.)

- Ajratiladigan kredit summasining 50 foiziga ta'mirlash ishlari amalga oshiriladi, qolgan 50 foiz qismi bo'yicha green.uzmrc.uz veb-saytidan tasdiqlangan baholash qo'llaniladi; bunda smeta va smeta ekspertiza xulosasi talab etilmaydi.
- "Yashil" loyiha maqomi green.uzmrc.uz orqali tasdiqlangan baholash asosida belgilanadi.
- Kredit miqdorining turar-joy qiymatiga nisbati: LTV ≤ 75% (turar-joy qiymati sifatida baholangan yoki oldi-sotdi shartnomasidagi qiymatning kichigi qabul qilinadi).
- Sug'urta: ta'mirlanadigan uy-joy bahosidan kam bo'lmagan summaga sug'urta qilinadi.
- Kredit ajratish tartibi: pudrat shartnomasiga asosan pudratchi tashkilotning bankdagi hisobraqamiga yoki qarz oluvchining bank kartasiga o'tkaziladi.