-qarz oluvchi (birgalikda qarz oluvchi)ning pasportini asl nusxasi (filial xodimi tomonidan pasportdan nusxa olinadi);
 -boshlang‘ich badal mablag‘larini shakllantirilganligi to‘g‘risida bank ma’lumotnomasi;
 -qarz oluvchi bilan pudrat tashkilot o‘rtasida tuzilgan uy-joyni dastlabki oldisotdi shartnomasi;
 -sotib olinadigan uy-joyga bo‘lgan huquqning davlat ro‘yxatidan o‘tkazilganligi to‘g‘risidagi guvohnoma nusxasi;
-sotuvchining uy-joyga bo‘lgan mulk huquqining yuzaga kelishi uchun asos bo‘ladigan hujjat nusxasi;

• Qarz oluvchi — 18 yoshga to‘lgan va pensiya yoshigacha bo‘lgan, doimiy rasmiy daromadga ega (ish haqi, pensiya, nafaqa) O‘zbekiston Respublikasi fuqarosi (jismoniy shaxs).

• Birgalikda qarz oluvchi: doimiy daromadga ega qarzdorlarni olish mumkin.

• Boshlang‘ich badal: uy-joy narxining kamida 25%.

• Barcha kreditlar va mikroqarzlar bo‘yicha o‘rtacha oylik to‘lovlarning tasdiqlangan o‘rtacha oylik daromadga nisbati 50%dan yuqori bo‘lmasligi.

• Ipoteka kreditini ko‘rib chiqish vaqtida kredit tashkilotlaridan ipoteka qarzdorligi bo‘lmasligi hamda avval olingan kreditlar (mikroqarz, iste’mol, avtokredit va boshqalar) bo‘yicha muddati o‘tgan qarzdorlik bo‘lmasligi.

• Sotib olinadigan xonadon — birlamchi bozordagi (yangi qurilgan), qabul qilish komissiya dalolatnomasi asosida mulk huquqi yuzaga kelgan va qabul qilinganiga 3 yildan ko‘p bo‘lmagan ko‘p qavatli uydagi xonadon.

Kredit maqsadi: Foydalanishga topshirilgan (kadastri mavjud) ko‘p qavatli turar-joydan (birlamchi bozor) kvartira sotib olish uchun.

Kredit miqdori: Toshkent shahri uchun — 800 mln so‘mgacha; Qoraqalpog‘iston Respublikasi va viloyatlar uchun — 500 mln so‘mgacha.

Kredit muddati: 20 yilgacha (240 oy).

Garov ta’minoti: sotib olinayotgan uy-joyning o‘zi.

Sug‘urta to‘lovi: sotib olingan uy-joy bahosidan kam bo‘lmagan summaga sug‘urta qilinadi.

Moliyalashtirish manbasi: O‘zbekiston Ipotekani qayta moliyalashtirish kompaniyasi.