• pasport yoki pasport o‘rnini bosuvchi hujjat. Mijoz harbiy xizmatchilar uchun harbiy guvohnomasini taqdim etgan taqdirda, pasport nusxasi ham talab etiladi;
• daromadlari to‘g‘risidagi ma’lumotlar/elektron ma’lumotlar (bankning elektron dasturi orqali ham olinishi mumkin);
• birlamchi bozordan uy-joy sotib olish uchun oldi-sotdi shartnoma, uy joy qurilishi tugallangan ob’ektdan foydalanish uchun ruxsatnoma (Uy-joy qurishga ruxsatnoma/Ko'chmas mulk obyektiga bo'lgan huquqlarni davlat ro'yxatidan o'tkazilganligi to'g'risida Davlat reyestridan ko'chirma/kadastr hujjatlari);
• garovga olinayotgan mulkning real bozor bahosi yuzasidan mustaqil baholovchi tashkilot hisoboti (zarur hollarda);
• shuningdek, kredit hujjatlarini o‘rganish jarayonida qonunchilikda ko‘rsatilgan boshqa tegishli hujjatlar ham talab qilinishi mumkin.

• Asosiy talablar

  Qarz oluvchi yoki birgalikda qarz oluvchi quyidagi talablarga javob beradigan O‘zbekiston Respublikasi fuqarosi bo‘lishi mumkin:

  • murojaat qilingan sanada 18 yoshdan 60 yoshgacha, shu jumladan;
  • kreditni so‘ndirish uchun yetarli doimiy daromad manbaiga ega bo‘lishi;
  • amaldagi kreditlar, mikroqarzlar, lizing va boshqa majburiyatlar bo‘yicha muddati o‘tgan qarzdorlik mavjud bo‘lmasligi;
  • ushbu dastur doirasidagi ipoteka krediti birinchi marta rasmiylashtirilishi. 2024-yil 1-maygacha olingan kreditlar hisobga olinmaydi;
  • kvartira qiymatining kamida 20 foizi miqdorida boshlang‘ich badalga ega bo‘lishi.

  5 nafargacha birgalikda qarz oluvchini jalb qilish mumkin.

  Bank oxirgi 24 oylik kredit tarixini o‘rganadi.

  Daromadni tasdiqlash

  To‘lovga qobiliyatlilikni baholashda quyidagilar hisobga olinadi:

  • oxirgi 6 oydagi ish haqi;
  • pensiya;
  • yakka tartibdagi tadbirkor daromadlari;
  • o‘zini o‘zi band qilgan shaxslarning daromadlari;
  • bank hisobvaraqlari va bank kartalariga kelib tushgan mablag‘lar;
  • mavsumiy daromadlar — oxirgi 6 oyning kamida 3 oyi uchun;
  • qonunchilikda taqiqlanmagan boshqa daromadlar.

  Daromad soliqlar chegirilgan holda hisobga olinadi.

Kredit maqsadi:
Foydalanishga topshirilgan, xonadonlarga ajratilgan va pardozlash ishlarini amalga oshirishga tayyor birlamchi uy-joy bozoridagi kvartirani xarid qilish.

Kreditning maksimal summasi:
1 mlrd so‘mgacha.

Iqtisodiyot va moliya vazirligi mablag‘lari hisobidan:

• Qoraqalpog‘iston Respublikasi va viloyatlarda — 380 mln so‘mgacha;
• Toshkent shahrida — 480 mln so‘mgacha.

Yetishmaydigan qismi Bankning o‘z mablag‘lari hisobidan moliyalashtirilishi mumkin.

Boshlang‘ich badal:
Kvartira qiymatining kamida 20 foizi.

Auksion orqali kiritilgan to‘lov boshlang‘ich badal sifatida hisobga olinishi mumkin.

Kredit muddati:
20 yilgacha.

Foiz stavkasi:

Iqtisodiyot va moliya vazirligi mablag‘lari hisobidan — O‘zbekiston Respublikasi Markaziy bankining asosiy stavkasi + 4 foiz bandi.

Bankning o‘z mablag‘lari hisobidan — O‘zbekiston Respublikasi Markaziy bankining asosiy stavkasi + 14 foiz bandi.

Imtiyozli davr:
Differensial to‘lov jadvali bo‘yicha 6 oygacha.

To‘lov usuli:
Qarz oluvchining tanloviga ko‘ra — annuitet yoki differensial to‘lov jadvali.

Kredit ta’minoti:
Xarid qilinayotgan kvartira garovi.

Mulk huquqi rasmiylashtirilgandan so‘ng kvartira Bank garoviga topshiriladi.

Ta’minotga qo‘yiladigan talablar:

• kredit summasi garov mulki qiymatining 85 foizidan oshmasligi kerak;
• ta’minot qiymati kredit summasining kamida 125 foizini tashkil etishi kerak;
• Bank bilan aloqador shaxslar uchun ta’minot qiymati kredit summasining kamida 130 foizini tashkil etishi kerak;
• kreditning ta’minlanmagan qismi uchun sug‘urta polisi taqdim etilishi mumkin.