• pasport yoki shaxsni tasdiqlovchi boshqa hujjat;
• qarz oluvchining daromadlari to‘g‘risidagi ma’lumotlar;
• bank hisobvaraqlariga, shu jumladan bank kartalariga oxirgi uzluksiz 6 oy davomida kelib tushgan tushumlar to‘g‘risidagi ma’lumotlar (bankning elektron dasturi orqali olinishi mumkin);
• mikroqarz ta’minotiga doir hujjatlar;
• mol-mulk garovi taqdim etilganda mustaqil baholovchi tashkilot hisoboti — zarur hollarda;
• qonunchilikda nazarda tutilgan boshqa tegishli hujjatlar.

• pasport yoki shaxsni tasdiqlovchi boshqa hujjat;
• kafilning daromadlari to‘g‘risidagi ma’lumotlar yoki elektron ma’lumotlar;
• qonunchilikda nazarda tutilgan boshqa tegishli hujjatlar.

• qarz oluvchi O‘zbekiston Respublikasi fuqarosi bo‘lishi;
• murojaat qilgan kunida 18 yoshga to‘lgan va 65 yoshdan oshmagan bo‘lishi, bunda 65 yosh ham hisobga olinadi;
• asosiy qarz va hisoblangan foizlarni to‘lov jadvaliga muvofiq har oy to‘lash uchun yetarli, hujjatlar bilan tasdiqlangan daromad manbaiga ega bo‘lishi;
• muddati o‘tgan qarzdorligi mavjud bo‘lmasligi;
• oxirgi 24 oy davomida ajratilgan kredit va mikroqarzlar bo‘yicha kredit tarixi o‘rganiladi;
• qarz yuki ko‘rsatkichi 50 foizdan oshmasligi lozim;
• iste’mol kreditlari va/yoki mikroqarzlari bo‘yicha jami asosiy qarz miqdorining o‘rtacha oylik daromadga nisbati 8 barobardan oshmasligi lozim.

O‘rtacha oylik daromad bank tomonidan tasdiqlovchi hujjatlar va ma’lumotlar asosida aniqlanadi, jumladan:

• ish haqi to‘g‘risidagi ma’lumotlar — oxirgi 6 oy davomida uzluksiz (mehnat ta’tili davri bundan mustasno). Daromadlarda uzilish bo‘lgan hollarda, tegishli oy uchun bank kartasi aylanmasi bo‘yicha aniqlangan daromad hisobga olinishi mumkin;
• pensiya miqdori to‘g‘risidagi ma’lumotlar;
• fuqarolarning jamg‘arib boriladigan pensiya badallari to‘g‘risidagi ma’lumotlar;
• to‘langan soliqlar to‘g‘risidagi ma’lumotlar, shu jumladan jismoniy shaxsning jami yillik daromadi to‘g‘risidagi deklaratsiya ma’lumotlari;
• bank hisobvaraqlariga, shu jumladan bank kartalariga so‘nggi 6 oy davomida uzluksiz kelib tushgan tushumlar (bankning elektron dasturi orqali olinishi mumkin);
• amaldagi qonunchilik hujjatlarida taqiqlanmagan boshqa daromadlarni tasdiqlovchi ma’lumotlar.

Qarz oluvchining daromadlari soliqlar chegirib tashlangan holda hisobga olinadi.

Mavsumiy ishlarni bajaradigan qarz oluvchilar uchun so‘nggi 6 oy ichida kamida 3 oy davomida uzluksiz olingan daromadlar qabul qilinishi mumkin. Ushbu daromadlar Vazirlar Mahkamasining 2024-yil 14-noyabrdagi 758-son qarorining 9-ilovasiga muvofiq aniqlanadi.

Mikroqarz maqsadi:

maqsadli foydalanish nazarda tutilmagan.

Mikroqarz summasi:

2 mln so‘mdan 100 mln so‘mgacha

Mikroqarz muddati:

48 oygacha

Valyutasi:

milliy valyuta — so‘m

So‘ndirish jadvali:

annuitet yoki differensial

Mikroqarz ta’minoti:

ta’minot sifatida quyidagilar taqdim etilishi mumkin:

• jismoniy shaxs kafilligi;
• sug‘urta polisi;
• ishlab chiqarilganiga 5 yildan oshmagan avtotransport vositasi;
• ko‘chmas mulk.

Bank hisobvaraqlariga, shu jumladan bank kartalariga, oxirgi 6 oy davomida kelib tushgan tushumlar asosida daromadi aniqlangan mijozlarga mikroqarz ajratishda ta’minot sifatida jismoniy shaxs kafilligi yoki mol-mulk garovi taqdim etilishi lozim.

12 oygacha muddatga ajratiladigan mikroqarz ta’minoti uchun turar joy garovi qabul qilinmaydi.

Ta’minot miqdori:

• mikroqarz summasining kamida 125 foizi miqdorida;
• bankka aloqador shaxslar uchun — mikroqarz summasining kamida 130 foizi miqdorida.

Mablag‘larni taqdim etish shakli:

qarz oluvchining bank plastik kartasiga o‘tkazish yoki milliy valyutada naqd pul shaklida