Qarz oluvchidan talab etiladigan hujjatlar ro’yxati:

a) Ariza;

b) Mijoz (birgalikda qarz oluvchi, jismoniy shaxs bo‘lgan kafil)ning pasportining asli (Bank xodimi tomonidan pasportning aslidan nusxa olinadi);

d) Pudrat tashkiloti bilan tuzilgan kvartira sotib olish yoki yakka tartibda uy-joy qurish (rekonstruksiya qilish) bo‘yicha shartnoma;

e) Subsidiya xabarnomasi (Subsidiya ajratish to‘g‘risida ijobiy xulosaga ega bo‘lgan shaxslar uchun);

f) kredit ta’minoti bilan bog‘liq hujjatlar.

Qarz oluvchi (birgalikda qarz oluvchilar, jismoniy shaxs bo‘lgan kafil shaxs)ning daromadlari to‘g‘risidagi ma’lumot bank tomonidan tashqi manbalardan onlayn tarzda o‘rganiladi.

Daromadlari to‘grisidagi ma’lumotlarni tashqi manbalardan onlayn tarzda o‘rganishning imkoniyati mavjud bo‘lmagan hollarda. Qarz oluvchi (birgalikda qarz oluvchilar, jismoniy shaxs bo‘lgan kafil shaxs) tomonidan daromadlari to‘grisida ma’lumotnoma taqdim qilinadi.

Potentsial qarz oluvchilar (jismoniy shaxslar) quyidagi muvofiqlik mezonlariga mos bo’lishi lozim:

a)     Qarz oluvchi ipoteka krediti olish uchun murojaat qilgan kunda 18 yoshga to‘lgan va 60 yoshdan oshmagan O‘zbekiston Respublikasi fuqarosi bo‘lishi lozim.

b)     Qarz oluvchi rasmiy ish haqi ko‘rinishidagi daromadlar, shu jumladan, doktorantura davridagi to‘lanadigan to‘lovlar, pensiya ko‘rinishidagi daromadlar yoki yakka tartibdagi tadbirkorlik faoliyati bilan shug‘ullanadigan shaxslarning bank hisobvarag‘iga tushgan tushumning 50 foizi miqdoridagi daromad manbaiga ega bo‘lgan shaxs bo‘lishi lozim.

d)     Qarz oluvchi rasmiy ish haqi ko‘rinishidagi daromadga ega bo‘lmasa, quyidagi ko‘rinishidagi daromadlarga ega bo‘lishi lozim:

- mol-mulkini ijaraga berishdan olingan daromadlar,

- bank kartasi aylanmasi

- ijara, kommunal va qonunchilik hujjatlarida taqiqlanmagan boshqa xarajatlar.

e)     Qarz oluvchiga ipoteka kreditini ajratishni ko‘rib chiqish vaqtida kredit tashkilotlaridan avvalgi olingan kreditlar bo‘yicha muddati o‘tgan qarzdorligi mavjud bo‘lmasligi va kredit tarixi salbiy bo‘lmasligi lozim.

Ipoteka krediti mehnat migrantlariga ajratilayotgan hollarda, mehnat migrantlari O‘zbekiston Respublikasi Vazirlar Mahkamasi huzuridagi Migratsiya agentligining mehnat migratsiyasi dasturiy majmualarida (“Labor-migration” yoki “Xorijda ish”) ro‘yxatdan o‘tgan bo‘lishi hamda kamida olti oy davomida O‘zbekiston Respublikasi hududiga xalqaro pul o‘kazish tizimlari orqali pul o‘kazmalarini yuborgan bo‘lishi lozim.