Fuqarolik pasporti yoki ID-karta;

Boshlang‘ich badal mablag‘larini shakllantirilganligi to‘g‘risida ma’lumotnoma;

Rasmiy manbalardan (my.gov.uz) mustaqil ravishda ma’lumot olish imkoni bo‘lmagan hollarda mijoz tomonidan oxirgi 12 oy mobaynidagi (biroq uzluksiz olti oydan kam bo‘lmagan muddatda) daromadlari to‘g‘risidagi ma’lumotnoma, qonunchilik hujjatlarida taqiqlanmagan va hujjatlar bilan tasdiqlangan boshqa daromadlari to‘g‘risidagi ma’lumotnoma;

Qurilish-montaj ishlarini boshlash uchun obyekt ro‘yxatdan o‘tkazilganligi haqida ko‘chirma;

Ulush kiritish uchun mablag’ jalb qilish bo’yicha pudrat tashkiloti bilan tuzilgan va Qurilish va uy-joy kommunal xo‘jaligi vazirligi orqali hisobga qo’yilgan shartnoma nusxasi;

Mehnat migranti uchun - «labor-migration» dasturiy majmuasida ro‘yxatdan o‘tganligini tasdiqlovchi hujjat nusxasi (labor-migration elektron dasturidan foydalanish imkoni bo’lmagan hollarda);

Mehnat migranti uchun - oxirgi 6 oy davomida uning oila a’zolari (yaqin qarindoshlari) nomiga yuborilgan xalqaro pul o‘tkazmalari miqdori to‘g‘risida ma’lumotnoma (elektron dasturdan yoki tegishli internet saytidan ma’lumot olish imkoni bo’lmagan hollarda);

Oʻzini oʻzi band qilgan shaxslar uchun - oʻzini oʻzi band qilgan shaxs sifatida roʻyxatdan oʻtganligi toʻgʻrisida ma’lumotnoma va ijtimoiy soliq to‘langanligini tasdiqlovchi hujjat.

- murojaat qilgan kunida 18 yoshga to‘lgan va 60 yoshdan oshmagan (60 yosh ham kiradi) bo’lishi;

- ipoteka krediti bo‘yicha hisoblangan foizlarni va asosiy qarzni to‘lov jadvaliga muvofiq har oyda to‘lash imkoniyatiga ega bo‘lishi;

- ipoteka krediti olish uchun uy-joy qiymatining belgilangan me’yorlarda boshlang‘ich badalni shakllantirish imkoniyatiga ega bo‘lgan shaxslar;

- ipoteka kreditini ajratishni ko‘rib chiqish vaqtida kredit tashkilotlaridan olingan joriy kredit/mikroqarzlari bo‘yicha muddati o‘tgan qarzdorligi mavjud bo‘lmagan shaxslar;

- qarz oluvchi Dastur doirasida ajratiladigan ipoteka kreditlaridan birinchi marotaba foydalanayotgan bo’lishi. Bunda, qarz oluvchi tomonidan 2024-yil 1-mayga qadar olingan kreditlar hisobga olinmaydi.

2. Uy-joy foydalanishga topshirilib, garovga qo‘yiladigan kvartiraga bo‘lgan huquq yuzaga kelguncha bo‘lgan muddatgacha garov ob’ekti sug‘urta qilinish lozim;

3. Ushbu kredit mahsuloti ipoteka krediti bo‘yicha subsidiya oluvchi fuqarolarga tadbiq etilmaydi.

4. O‘zbekiston Respublikasi Qurilish va uy-joy kommunal xo‘jaligi vazirligi huzuridagi Qurilish sohasida nazorat inspeksiyasidan qurilish-montaj ishlarini boshlash uchun ob’ekt ro‘yxatdan o‘tkazilganligi haqida ko‘chirma

 5. Barpo etiladigan qurilish majmuasi bo‘yicha “Ulush kiritish asosida qurish uchun mablag‘larni jalb etuvchi quruvchilarning elektron ro‘yxati”ga kiritilganligi bo‘yicha ma’lumotnoma.

6. Ulush kiritish asosida qurilayotgan ko‘p kvartirali uy-joyning yer uchastkasiga bo‘lgan huquqni davlat ro‘yxatidan o‘tkazilganligi to‘g‘risida Davlat reestridan ko‘chirma;