1) ID karta yoki pasport va pasport oʼrnini bosuvchi hujjat. Mijoz harbiy xizmatchilar uchun harbiy guvohnomasini taqdim etgan taqdirda, pasport nusxasi ham talab etiladi;

2) Daromadlari toʼgʼrisidagi hujjatlar/elektron maʼlumotlar;

3) Yakka tartibdagi uy-joy qurilishi uchun yer uchastkasiga boʼlgan huquqni (doimiy foydalanish, meros qilib qoldiriladigan umrbod egalik qilish huquqi) tasdiqlovchi hujjat;

4) Uy-joy qurishga qonun hujjatlarida belgilangan tartibda tasdiqlangan loyiha-smeta hujjati;

5) Pudrat tashkiloti bilan qurilish ishlarini bajarish/qurilish mahsulotlari sotib olish/oʼzini oʼzi band qilgan shaxs sifatida roʼyxatdan oʼtgan yollanma ishchilar bilan tuzilgan shartnoma (loyiha-smeta hujjatlarida koʼrsatilgan qiymatdan oshmagan miqdorda);
qonunchilikda koʼrsatilgan boshqa tegishli hujjatlar ham talab qilinishi mumkin.
6) xorijda mehnat faoliyatini olib borayotgan qarz oluvchining muntazam ravishda 6 oy davomida xorijdan O‘zbekiston Respublikasiga pul o‘tkazmalari to‘g‘risida tijorat bankidan tasdiqlangan ko‘chirma;
 

O‘zbekiston Respublikasi Prezidentining 2019-yil 28-noyabrdagi PF-5886-sonli, 2021-yil 11-martdagi PF-6186-sonli, 2021-yil 9-dekabrdagi PF-33-son, 2023-yil 13-apreldagi PF-51-son va 2024-yil 30-apreldagi PF-70-son Farmonlari bilan tartibga solinadi.

Subsidiyalar - uy-joy sotib olishga ipoteka kreditining boshlang‘ich badali va foizlarning bir qismini O‘zbekiston Respublikasi Davlat budjeti mablag‘lari hisobidan qoplab berish.

Subsidiyalar ajratish yuzasidan arizalar tasdiqlangan parametrlar doirasida 2024-yilning 15-mayidan 1-noyabriga qadar qabul qilinadi.

Kreditlar bo‘yicha foiz to‘lovlarining bir qismini qoplash uchun subsidiyalar — 12 foizdan oshgan qismiga, 2025-yil va undan keyingi yillardagi kreditlar bo‘yicha esa — Markaziy bankning asosiy stavkasidan oshgan qismiga to‘lanadi;

birlamchi uy-joy bozoridagi kvartiralarni sotib olish uchun ajratilgan ipoteka kreditlari bo‘yicha dastlabki badalning bir qismini qoplash uchun subsidiyalar — qat’iy belgilangan 30 million so‘m miqdorida to‘lanadi.

Subsidiya taqdim etish to‘g‘risidagi xabarnomani olgan shaxslar ipoteka krediti bo‘yicha boshlang‘ich badalning uy-joy qiymatining kamida 5 foiziga teng bo‘lgan qismini o‘z mablag‘lari hisobidan shakllantiradi.

Loyiha smeta hujjatlari tasdiqlanmagan, ekspertiza xulosasi olinmagan pudrat tashkilotlarining kelgusida quriladigan ko'p kvartirali uylardagi xonadonlarini jismoniy shaxslar tomonidan sotib olish uchun bank hisobraqamlarida boshlang'ich badal mablag'larini shakllantirish va ipoteka krediti rasmiylashtirilishiga yo'l qo'yilmaydi.

Mazkur modul shartlarida nazarda tutilmagan qolgan barcha holatlar bo‘yicha O‘zbekiston Respublikasi qonunchilik hujjatlarida belgilangan tartiblar amal qiladi.

Qarz oluvchi: O‘zbekiston Respublikasi fuqarosi Bunda, qarz oluvchi doimiy daromadga ega bo‘lishi, rasmiy daromadga ega bo‘lmasligi yoki labor.migration platformasidan ro‘yxatdan o‘tib, xorijda mehnat faoliyatini olib borayotgan jismoniy shaxs bo‘lishi mumkin. 

– ipoteka krediti kredit olish uchun murojaat qilgan kunida 18 yoshga toʼlgan va 60 yoshdan oshmagan Oʼzbekiston Respublikasi fuqarosi;

  – ipoteka krediti boʼyicha hisoblangan foizlarni va asosiy qarzni toʼlov jadvaliga muvofiq har oyda qaytarish imkoniyatiga ega boʼlgan doimiy ish joyiga, shaxsiy yordamchi yoki dehqon xoʼjaligidan yoxud yakka tartibdagi tadbirkorlik faoliyatidan doimiy daromadga ega boʼlishi;

  – qarz oluvchining barcha kreditlari va mikroqarzlari (jumladan olinadigan ipoteka krediti) boʼyicha oʼrtacha oylik toʼlovlari, yaʼni qarz yuki koʼrsatkichi miqdorining qarz oluvchi va birgalikda qarz oluvchilarning tasdiqlangan oʼrtacha oylik daromadiga nisbati 70 foizdan yuqori boʼlmasligi;

   – ipoteka krediti ajratish haqidagi arizani koʼrib chiqish vaqtida kredit tashkilotlaridan avval olgan kreditlari boʼyicha muddati oʼtgan qarzdorligi mavjud boʼlmagan jismoniy shaxslar ipoteka krediti olishlari mumkin. 

Kreditning eng ko‘p miqdori  

Qoraqalpog‘iston Respublikasi va viloyatlarda: 330 000 000 so‘mgacha; Toshkent shahrida: 420 000 000 so‘mgacha. (Iqtisodiyot va moliya vazirligi resurs mablag’lari hisobidan)

    

• Bunda, qarz oluvchi tomonidan birlamchi uy-joy bozorida kvartira sotib olish uchun zarur bo‘lgan ipoteka kreditining miqdori belgilangan miqdorlardan yuqori bo‘lganda, banklarga kreditning yetmagan qismini bank o‘z mablag‘lari hisobidan tijorat foizlari asosida ipoteka kreditlarini ajratish orqali moliyalashtiriladi.