Krediti olish uchun murojaat qilgan kunida 18 yoshga to‘lgan va 60 yoshdan oshmagan О‘zbekiston respublikasi fuqarosi;
Qarz yuki ko‘rsatkichi, ya’ni qarz oluvchi va birgalikda qarz oluvchining barcha kredit va kafilliklari bo‘yicha o‘rtacha oylik to‘lovlari miqdorining o‘rtacha oylik daromadiga nisbati 70 foizdan yuqori bo‘lmasligi;
Kredit ajratishni ko‘rib chiqish vaqtida avvalgi olingan kreditlar va boshqa majburiyatlari bo‘yicha muddati o‘tgan qarzdorligi mavjud bo‘lmasligi;
Kamida 4 oy davomida doimiy daromadga ega ekanligi.
-ipoteka krediti sud qarorlariga asosan undiruvga qaratilgan uy-joylarni sotib olish uchun berilmaydi.
-kredit hisobiga sotib olinadigan uy-joy yaqin qarindoshlar oʻrtasida oldi-sotdi qilinishiga yoʻl qoʻyilmaydi. Bunda, qarz oluvchi, birgalikda qarz oluvchi va sotuvchi oʻrtasidagi yaqin qarindoshlik aloqalari ham hisobga olinishi lozim.
-ipoteka krediti boʻyicha ijobiy qarori qabul qilingandan soʻng, mijoz tomonidan boshlangʻich badal mablagʻlari “Kafolat-3” nomli milliy valyutadagi jamgʻarma omonatiga shakllantiriladi va kredit hisobiga sotib olinayotgan uy-joy garov qoʻyilgandan soʻng sotuvchining tegishli hisob raqamiga oʻtkaziladi.
-bunda, qarz oluvchi tomonidan boshlangʻich badal mablagʻlari toʻgʻridan-toʻgʻri pudrat tashkiloti (birlamchi bozordagi xonadon uchun)hisobvaragʻiga oʻtkazilgan hollarda, pul mablagʻlari oʻtkazilganligini tasdiqlovchi hujjati ilova qilinadi.
Shuningdek, birlamchi bozorda qurilayotgan uy-joy foydalanishga topshirilib kadastr hujjatlari to’liq rasmiylashtirilguniga qadar boshqa ko‘chmas mulk garovi taqdim qilinishi mumkin. Bunda, kredit hisobiga sotib olingan uy-joyning kadastr hujjati rasmiylashtirilgandan so‘ng, kredit bo‘yicha garov ta'minoti ushbu uy-joy ipotekasiga almashtiriladi.
- birlamchi bozordan xonadon sotib olishda boshlang’ich badal miqdori kamida 30 foizni shakllantirgan oʼzini oʼzi band qilgan shaxs sifatida roʼyxatdan oʼtgan rasmiy daromadga ega bo‘lmagan jismoniy shaxslarga ularning bank kartasi aylanmasi, ijara, kommunal va qonunchilik hujjatlarida taqiqlanmagan boshqa xarajatlarini inobatga olgan holda ipoteka krediti ajratilishi mumkin. Bunda, qarz oluchining qarz yuklamasi oʼzini oʼzi band qilgan fuqaro tomonidan tasdiqlangan bir oylik oʼrtacha daromad va xarajatlari toʼgʼrisidagi maʼlumotoma asosida skoring qilinadi. (kadastri rasmiylashtirilgan uy joylar uchun).
Kredit tashkilotlarining turli xil takliflarini kredit kalkulyator yordamida taqqoslab ko‘rishingiz mumkin. Kerakli maydonlarni to‘ldirsangiz, har oylik to‘lovlar bo‘yicha to‘liq va qulay shakldagi axborotga ega bo‘lasiz.